THE RICH

Chapter 18

Hawak niya ang kamay ko sa biyahe. Nakaramdam ako ng pagkaalangan lalo pa’t madalas tumingin ang driver sa amin. Tahimik ang aming paglalakbay. Hanggang sa huminto ang sinakyan namin sa isang malaking Mall sa City. Alangan akong bumaba sa sasakyan. Iyon kasi ang unang pagkakataong makapasok ako sa ganoong lugar.

“Tara na.”

“Nahihiya akong pumasok diyan. Uwi na lang kaya tayo.”

“Ano ka ba? Mall lang ‘yan. Hindi mo kailangan matakot. Hindi iyan sementeryo. Maliwanag. Wala sa’yong mang-aano.”

“Pero Jinx…”

“Wala nang pero-pero, halika na. Kung ayaw mo bubuhatin kita hanggang sa loob.” hinawakan niya ang kamay ko. “Oh nanlalamig ka?”

“Ninenerbiyos. Hindi pa kasi ako nakapasok sa ganyang lugar.”

“Well, makakapasok ka na.”

Hinawakan niya ng mahigpit ang palad ko. “Huwag kang mag-alala, ako ang bahala sa’yo.”

Nangangatog ako