FIRST TIME

CHAPTER 20

. “Ako na ba ‘to?” hindi ko napigilang sabihin iyon Akala ko mahina lang ngunit napalakas pala.

“Yes, ikaw na ikaw ‘yan ma’am at hindi ako nagkamali, sobrang ganda mo nga talagang bata. Magaling talagang pumili si Sir Jinx. Halika ka na. Kanina pa naghihintay iyon sa’yo.”

Paglabas ko sa saloon ay binigyan ako ng isang parang mamahaling bag ni Kuya David.

“Bagay sa elegante mong looks. You are superb and stunning!” naibulalas niya.

Habang naglalakad kami papunta kay Jinx ay muli kong pinagmasdan ang sarili ko. Class na class ang dating ko. Tangkad, ganda ng katawan, ganda ng suot at ang aking maayos na mukha. Alam kong medyo kayumanggi ako dahil sa nasunog na araw pero konti lang ang ibinawas niyon sa kabuuang ganda ng aking mukha. Habang naglalakad ako, naramdaman ko ang pag-alon ng malambot at nakalugay kong buhok. Malayo sa babaeng pumasok kanina na walang kumpiyansa sa sarili. Ito na ang bagong ako. Isang napakagandang babaeng binihisan ng karangyaan ni Jinx