Chapter 34: Photograph

Bagsak ang balikat ni Kris ng umuwi siya sa unit namin, napatigil ako sa pagkilos sa gawaing bahay ng makita ko siyang pumasok sa pinto. Inilapag ko ang mga hawak-hawak kong mga panlinis at agad naman itong inagaw ni tita Belle.

“Ako na iha.” ani ni tita at sinalo ang mga gamit na inilapag ko. Dahan-dahan kong nilapitan si Kris na ngayon halos hindi maipinta ang hitsura niya. Namumungay ang mga mata at nangangatal ang mga labi nito.

“Masama ba pakiramdam mo baby?” tanong ko rito at hinawakan ko ang kanyang mukha at binigyan siya ng halik. Tumango lang ito at ngumiti kunti sa akin.

“Medyo.” sagot niya at malungkot ang ekspresyon ng mukha niya. Bigla niya akong niyakap at nagulat ako, ewan ko kung bakit pero nagsimula na akong magtaka.

“Anong meron?” tanong ko rito pero hindi nagsalita at napailing-iling lang.

“Kung aalis ba tayo dito at titira sa States, sasama ka ba sa akin?” tanong niya at siyang ikinalawak ng ngiti ko. Kung t