Chapter 5

"Ito na po, sir," sabi ni Nolan bago inabot kay Jace ang isang sobre na naglalaman ng mga litrato na kinunan ng nagdaang gabi sa party na in-attend-an niya kasama ang magkapatid na Morgan.

"You may leave," sabi ni Jace bago sumandal sa kanyang swivel chair. Ilang minuto na ang lumipas, ngunit nakatingin pa rin siya sa sobre, nag-aalangan kung tbubuksan ba niya iyon.

Matapos ang mahabang pag-iisip, iniunat niya ang kanyang mga kamay at inabot ang sobre. Binuksan niya ito, at ang maganda ngunit malungkot na mukha ni Emerald ang bumungad sa kanya. Ito ay noong iniwan niya ito sa entrance ng venue kasama si Emerose. Na-capture ng photographer ang kanyang asawa sa kanyang kaakit akit na itsura kahit na ba sa tingin niya ay biglaan iyon. Maamo at tila nanghahalina na pansamantala niyang nakalimutan ang kanyang galit para dito.

Isa-isang tiningnan ni Jace ang mga larawan, at kahit saan siya tumingin, umaangat ang kagandahan ni Emerald. Pinili niya ang damit na iyon, sa pag-aakalang magmumukha