CHAPTER 73: THE FRIEND SHE NEVER KNEW

Mabait ang mga kapatid ni Anton. Kahit may sakit si Anna ay talagang bumangon pa ito para lang makita ako at makausap. Kundi nga lang ako inawat ni Anton sa pakikipagkuwentuhan sa kaniyang kapatid ay siguro, hindi pa ako tumayo mula sa pagkakaupo sa dulong bahagi ng kama nito.

“Dito na po ba kayo titira, Ate Gabriella?”

Nagkatinginan muna kami ni Anton bago ako muling bumaling sa kaniyang kapatid para umiling.

“Pansamantala lang akong dito muna. Pero malay natin diba, baka magustuhan ko rin dito. Kapag nangyari iyon, baka matagal-tagal tayong magkasama.”

Matamis na ngumiti si Anna.

“Talaga po?”

I nodded at her and raised my right hand as a sign of promise.

Nang makalabas kami ni Anton sa silid ng kaniyang kapatid. Muli siyang nagtungo sa kusina. Hinintay ko nalang siya sa living room. Pagbalik niya ay dinala niya na ako sa kaniyang silid.

Kumpara sa mga kuwarto ng mga kapatid niya, mas malaki itong kaniyang kuwarto. Mas malaki ang espasyo dahil marami ring libro ang nasa loob nito. Ma