CHAPTER 19

Habang lulan ng sasakyan pauwi na sa bahay ng mga magulang ko, nakakabinging katahimikan ang namayani sa aming mag-asawa. Nakakapanibago dahil alam kong pilyo at makulit itong si Sedest, ngunit ngayon ay iba, parang problemado s'ya dahil sa hilatsya ng kanyang mukha. Gusto ko sana s'ya na tanungin kung ano ba iyon pero para naman akong natuod at hindi magawang magsalita.

Pagkarating ng gate mabilis akong bumaba, si Mommy ang nagbukas ng gate at pinto.

"Ginabi na kayo Dina, Anak, alam mo naman bawal ang magpuyat sa mga buntis." Sermon ni Mom, na kinatingin ko sa pambisig kong orasan, alas onse na pala ng gabi kaya naman ganun na lamang ang bungad sa akin ng aking ina

Imbis na sagutin ang tinuran ni Mom, ay mabilis akong umakyat patungo sa kwarto ko.

Humiga na ako para akong pagod na pagod sa nangyari ngayong araw na to..

Kaya kahit magbihis ay hindi ko na nagawa pa hanggang hilahin na ako ng antok.

Kinabukasan nagising ako dahil sa pakiramdam na parang may bagay na kumikiliti sa leeg