CHAPTER 22

Ken’s Point of View

“2nd Lieutenant Sedest, nanganak na ang iyong asawa, alas nueve treinta y tres ng gabi.” Narinig kong imporma mula sa radyo.

Labis ang aking kaligayahan dahil sa aking pag uwi ay masisilayan ko na ang aming supling. Supling na lalong magpapatibay ng relasyon naming mag-asawa. At inspirasyon para tuluyan ko ng lisanin ang pagiging kawal.

Gusto ko ng hilahin ang oras at liparin ang kabundukan upang ako’y makauwi na dahil pakiramdam ko’y napaka bagal ngayon ng oras.

Pagkarating namin sa Campo, sinalubong kami ni Sgt. Cruz upang ibigay ang telepono nito dahil may ibig raw sa akin kumausap.

“Hello.” Aniya ko sa kabilang linya.

“Sedest, may papunta ng helicopter dyan para sunduin ka. Kailangan ka ni Dina ngaun!” Aniya at pinatay agad ang naturang tawag na kinataka ko dahil kay Captain Montevallo pa ‘to nanggaling at bigla ring dinambol ng kaba ang aking dibdib sa hindi ko malamang dahilan. Mabilis kong ibinababa ang aking mga dala dala upang hanapin ang aking telepono.