CHAPTER 3

CHAPTER 3

Nagising na lang bigla si Yorzuana nang makarinig siya ng tunog ng sinturon kaya't agad niyang tinignan kung kanino nanggagaling 'yon. Nakita niya na lang si Roger na isinusuksok ang kaniyang sinturon sa pang-ibaba nitong suot.

"You did not well," seryosong sabi niya kay Yorzuana habang hindi nakatingin dito. "Hindi ka mahusay sa kama," dugtong pa niya.

"T-This is my first ex--"

"I know."

Parang balewala lang kay Roger ang mga sinasabi ni Yorzuana habang nagbibihis ito. Kalaunan ay hindi niya ito pinansin nang umalis siya at iniwan ang dalaga sa ibabaw ng kama. Tila tumamlay naman ang mukha ni Yorzuana dahil hindi niya napaligaya sa unang pagkakataon ang kaniyang fiance.

Tumayo't nagbihis ang dalaga pagtapos ay lumabas siya ng kwarto at dumiretso sa dining area. Kumakain na roon mag-isa si Roger at hindi siya pinansin. Animo'y balewala lang siya rito. Umupo ang dalaga na may tatlong upuang pagitan mula kay Roger. Tahimik siyang nagsandok at kumain. Maya-maya pa'y nang biglang bumuka ang bibig niya ay nagsalita siya rito.

"I will do better next time," tipid niyang saad.

"You must," tipid namang tugon ni Roger at kalauna'y tumayo at umalis ng mansyon.

Buong maghapong panay ang paglalakad na mag-isa ni Yorzuana para hindi maburyong. Hindi siya pinapayagang kumilos nang marami at umalis ng mansyon dahil hindi 'yon pinahihintulutan ni Roger.

Iniisip ni Yorzuana na marahil ay ganito siguro kapag unang beses pa lang nagsasama sa iisang bubong. Bukod dito ay iniisip niya na busy'ng busy lamang si Roger sa kumpanya nito kaya't hindi siya nito mapaglaanan ng oras. Ngunit kahit na ganito ay hindi susukuan ni Yorzuana ang mapapangasawa at sisiguraduhing tama ito ng pinili.

Pinag-aralan ni Yorzuana ang mga karapat-dapat na gawin ng isang babae para mapasaya ang lalaki. Nagbasa siya ng mga aklat at isinasaulo ang mga ito. Nang sumapit ang gabi ay nagsimula siyang magluto at dito niya sisimulan ang lahat ng natutuhan.

Masayang-masaya si Yorzuana habang niluluto ang mga alam niyang putahe para sa kaniyang asawa. Nang matapos magluto ay nagpatulong siya sa mga kasambahay upang ihain nang maayos at malinis ang mga pagkain, plato at mga kubyertos na gagamitin. Pagtapos nito ay nagpaiwan na siya sa dining area na mag-isa upang hintayin si Roger.

Lumipas ang segundo, minuto at ilang oras na paghihintay ngunit hindi pa rin dumarating si Roger. Nang tignan ni Yorzuana ang napakalaking wall clock ay nasa 11:45 na ng gabi. Ramdam na ramdam na niya ang gutom at antok. Hindi na niya nahintay pa si Roger at mag-isa siyang kumain at pagtapos ay hinugasan ang mga nakakalat. Tinabi na lang muna niya ang mga pagkain para hindi marumihan at pagtapos nito ay umakyat na si sa kaniyang silid at diretsong humiga sa kama.

Bigla na lang nagising si Yorzuana nang makarinig siya ng tila iyak ng isang babae na tila nagmamakaawa. Tila may maingay na nangyayari sa isang silid kaya't takang-taka siya kung ano ang nangyayari. Lumabas siya ng kaniyang kwarto at pinuntahan kung saan nanggagaling ang ingay na 'yon. Napakunot na lamang ang noo niya nang mapagtantong nanggagaling ang ingay na 'yon sa kwarto ni Roger. Dahan-dahan siyang lumapit sa pintuan at pinihit ito. Unti-unti niya ring sinilip ang loob nito at nanlaki na lang ang kaniyang mga mata nang makita ang hindi niya inaasahan.

Lumakas ang kabog ng puso niya at tila bumibilis ito dahil sa nakikita niya na ginagawa ni Roger sa babae sa ibabaw ng kama. Pawis na pawis habang tila naeengganyo si Roger sa paglabas-masok ng kaniyang ari sa babae.

Agad tinanggal ni Yorzuana ang pagkakatingin sa silid na 'yon at walang ano-ano nang maiyak na lang siya. Hindi siya naglabas ng ingay dahil baka makita pa siya ni Roger at mabisto na nalaman niya ang ginagawa nito.

Ramdam na ramdam ni Yorzuana ang sakit sa kaniyang dibdib at takang tinanong ang sarili mula sa kaniyang isipan. Ganito ba ang dapat niyang maramdaman sa unang araw ng kanilang pagsasama sa iisang bubong?

Tila wala sa sarili at kung ano-ano na lang ang iniisip ng dalaga. Na baka kaya lamang ito ginagawa ni Roger ay dahil hindi pa naman sila kasal o 'di kaya'y mali lamang ang nakikita niya. Iniisip niya rin na binabangungot lamang siya.

Hindi na nakatiis pa si Yorzuana kaya't bumalik ito sa kaniyang silid at nahiga sa kaniyang kama. Masakit pa rin sa dibdib ang nakita niya kahit na pinipilit niya ang sarili na hindi 'yon totoo. Iniyak niya nang iniyak ang sakit hanggang sa unti-unti siyang nakaramdam ng antok at nakatulog.

KINABUKASAN nang magising si Yorzuana ay agad niyang natandanan kung ano ang nangyari kagabi. Kahit papaani ay nahimasmasan siya ng kaunti ngunit nasa dibdib pa rin niya ang sakit.

Nang matapos ayusin abg sarili ay bumaba siya upang kumain ng almusal. Napahinto pa siya nang marahan nang makita si Roger na seryosong kumakain. Nang maipunto nito ang tingin sa kaniya ay inaya siya nito.

"Good morning. Have a seat."

Bakas ni Yorzuana na sa tono ng pananalita ni Roger ay tila nasa good mood ito. Kunwari ay wala siyang alam sa nakita kagabi kaya't kumilos siya ng normal.

"Prepare for tonight."

Nang marinig niya kay Roger 'yon ay agad napatingin si Yorzuana sa kaniya. "Ano?" tanong nito.

"Prepare for tonight," pag-uulit ni Roger.

"I'm sorry but I-I--"

"No buts. Just do what I say."

Hindi na nakaimik pa si Yorzuana kaya't kumain na lang siya nang maayos. Kahit na gustong-gusto niyang komprontahin si Roger ay hindi niya magawa. Ayaw niyang masira ang pangarap niya na ikasal at magkaroon ng sariling pamlya. Hinding-hindi hahayaan ni Yorzuana na mabuwag ang sariling pangarap.

At sa pagkakataon ding iyon ay pinayagan siya ni Roger na mag-shopping at bumili ng mga gusto niya basta't kasama niya ang apat na guard upang masiguro ang kaligtasan niya at masiguro din ni Roger na hindi ito tatakas. Pumayag naman si Yorzuana kaya't ilang minuto ang nakalipas pagtapos umalis ni Roger ay saka naman siya umalis.

HABANG naglalakad sa mall ay naisip ni Yorzuana na ito na ang pagkakataon para makabili ng mga damit at gamit na kakailanganin niya para makatulong sa paglapit ng loob ni Roger sa kaniya.

Sinimulan niya sa mga magaganda at kaakit-akit na damit, make up, sandals, at hindi niya rin pinalampas na makabili ng libro na naglalaman ng mga sekswal na bagay para makatulong sa pagpapaligaya kay Roger.

Nagmadali siyang bumili para makauwi upang pag-aralan ang mga bagay na dapat niyang matutuhan. Nang matapos niyang bilhin ang mga kinakailangan ay naglakad siya kasama ng mga guard papunta sa parking area nang sandali siyang huminto dahil may nakita siyang pamilyar sa kaniya. Pakunot noo niya pa 'yong tinitigan at naalala ang babae na nakasama ni Roger kagabi.

"Anong ginagawa niya rito?" takang tanong ni Yorzuana sa sarili kaya't tinungo niya ang lugar kung saan nakita niya ang babae.

Nang makarating ay nakita niya na nasa loob ito ng restaurant at may kausap na lalaking semi-calbo ang buhok at may mga bakas ng tattoo sa katawan kahit na naka-hoodie jacket ito.

"Sandali lang. Dito lang kayo. Kakain lang muna ako sa loob," pagdadahilan ni Yorzuana sa apat na kasamang gwardya kaya't nanatili ang mga ito sa labas. Pumasok si Yorzuana at naupo sa may malapit na bakante mula sa kinaroroonan ng babae.

Kunwaring umo-order si Yorzuana ng pagkain sa hawak-hawak na menu ngunit ang totoo ay nakikinig siya sa usapan ng sinundan niya.

"I enjoyed him last night. Mukha naman pa lang madaling malinlang si Mr. Mizores," dinig ni Yorzuana na sinabi ng babae.

"Hmm... But be sure that he's going to do what you told to him. Baka mamaya imbis na malinlang mo siya, ikaw ang nalilinlang niya. You don't know him, Daza."

Napakunot na lang ang noo ni Yorzuana dahil sa binanggit na pangalan ng lalaki.

"Daza pala ang pangalan niya," sabi ni Yorzuana sa sarili.

"Psh! Just watch and learn. Hindi niya ako malilinlang dahil bantay ko ang kilos at galaw niya. Maingat din ako sa ginagawa ko kaya malabo na mangyari 'yon."

Nagtataka si Yorzuana kung anong meron at bakit si Roger ang pinag-uusapan nila? Anong plano nila sa fiance niya?

"Dapat malaman 'to ni Roger. Kung anuman ang pinaplano nila sa kaniya, hindi dapat 'yon matuloy," sabi ni Yorzuana sa kaniyang utak at kaagad na tumayo.

Akmang lalagpasan na ni Yorzuana si Daza at ang lalaki nang mabangga naman niya ang waiter na may dala-dalang orders dahilan at natapon ito sa kinaroroonan ng dalawa. Agad napatayo sa gulat at galit ang mga ito.

"What the h*ll?!" inis na sambit ng lalaki.

"I'm sorry. I-I'm sorry," sambit ni Yorzuana habang tinutulungan sa pagpupunas ang lalaki nang tanggalin naman ni Daza ang kamay niya rito.

"Why are you touching my boyfriend?!" galit nitong tanong sa kaniya. "Ito kasing waiter na 'to e! Tatanga-tanga!" bulyaw ni Daza sa waiter.

"No, it wasn't his fault. Ako ang may kasalanan kaya--"

"Just go lady! And don't you dare to touch my boyfriend again!" bulyaw ni Daza kaya't hindi na umimik pa si Yorzuana. Umalis na lang siya at sinenyasan ang mga guard niya na manatili sa kinaroroonan nila.