Kabanata 28

“NAWAWALA SI Ciashet!” Kaagad na bungad ni Ken sa kaibigang si Paulo nang tawagan niya ito sa telepono.

Kaninang tanghali lang ay katabi pa niyang matulog ang dalaga dahil sinabi nitong gusto niyang magpahinga pero pagkagising niya ay wala na ito sa tabi niya. Nilibot na rin niya ang buong resort pero maski ang mga staff doon ay hindi siya napansin. Sinubukan niyang tawagan ang cell phone ng nobya pero nakapatay ito. Ang huling impormasyon na mayroon siya ay ang CCTV footage na ibinigay sa kaniya ng resort kung saan nakitang may sumundong dilaw na Ferrari kay Ciashet.

“Paanong nawawala? Akala ko ba ay nagbabakasyon kayo ngayon?” tanong ng kaibigan na halatang naalimpungatan lang din.

“Oo nga! Pero paggising ko ay wala na siya at nakita siyang sumakay sa dilaw na Ferrari. May tracker ‘yong cell phone kong ibinigay kay Ciashet. Itrack niyo kung nasaan siya at ibigay niyo kaagad sa akin ang impormasyong makukuha ninyo. Walang kakilala rito si Ciashet. At napaka imposible ring papatayi