Chapter 9: Nervous

HINDI maiwasang magtanong uli ni DK kung matagal pa ba. Ilang minuto pa lang sila sa himpapawid pero para sa kanya ang tagal nila sa ere, samantalang ang lapit naman.

Napabalik ang likod niya sa kinauupuan nang sabihin nitong mga limang minuto pa. Naghahanap pa pala ng ito ng perfect na pag-landingan. Hindi siya mapakali dahil wala pa ito sa paningin niya. Gusto niyang makita mismo ng kanyang mga mata na nasa maayos ito.

Hindi pa man totally naka-landing ang helicopter, nakahanda na siya sa pagtalon. Kita na niya ang ilang taong nag-aabang sa kanila.

“Where is she?” tanong niya kay Daisy nang lapitan ito.

“Your Grace! Hi!” anang isang babae na lumapit sa kanila. “I’m Li—”

“I’m sorry, Miss. I’m here for Everlee.” Hindi na niya narinig kung nagsalita pa ito, basta sumunod na siya kay Daisy.

Marahas na binuksan niya ang pintuan ng silid ng cabin na iyon nang sabihin ni Daisy na si Everlee at Aharon lang ang naroon. Gulat pa ang mga ito nang mapatingin sa kanya. Napasobra yata sa tulak ni