Chapter 17: Uninvited guest

“GOOD morning, anak!”

“Morning po, Ma.” Tumingin siya sa ina ng dating asawa na si Kristen. “M-morning po, Tita.”

“Morning din, anak. Maaga kaming pumunta ngayon para tumulong.”

“T-tumulong ho? Para saan?” Binalik niya ang tingin sa ina.

“‘Wag mong sabihing nakalimutan mo ang birthday mo?”

Nasapo ni Everlee ang bibig nang maalala.

“Nawala po sa sarili ko, Mama. Na-busy lang po nitong nagdaan.”

“Sabagay,” ani na lang ng ina niya.

“Pupunta ba ‘yong boyfriend mo?” tanong ng amang si Calleb kapagkuwan.

“B-boyfriend po?” bigla siyang nautal.

“Si Ryder, bunso. ‘Di ba kayo na?” singit ng Kuya Adam niya.

Akmang sasagot siya nang sumingit ang Ate Celestine niya. “For the vlogs lang yata.”

Napatingin siya sa Ate niya. Pero saglit lang dahil sa kasama nito. Si DK. Saglit ding nagtama ang paningin nila. Siya ang unang nag-iwas.

“So, hindi totoo?” anang ina ni DK na nakangiti.

Nakaabang ang mga matatanda sa sagot niya kaya napilitan siyang sagutin.

“Um… H-hindi pa po. Nagkakamabutihan lang. P-p