Chapter 19: What If?

DAHIL sa magkasunod na post ni Ryder at Sergio ng mga vlogs, naging maingay din ang pangalan ni Everlee. At nabunyag din sa madla kung gaano sila umano kayaman. Kaya naging matunog sa social media ang mga Moore din.

Naging puspusan naman ang panliligaw ni Ryder sa kanya. May camera man o wala. Kaya ang nangyari, inaabangan ng mga netizens kung kailan sila aamin umano na sila na nga. May mga kumakalat pang mga pictures nila na magkasama kaya nag-conclude na ang mga ito na sila na nga.

Pero balewala sa kanya ang mga balita, nakabase siya sa mga kilos ni Ryder. Walang problema dito dahil saksakan ng sweet. Unti-unti na nga rin siyang nadadala kahit biro man iyon. Hinahanap-hanap niya na rin ang atensyon nito. Kapag hindi nga lang siya mapansin nito, nalulungkot na siya. Parang nasasanay na siya sa presensya nito.

Nagkakagusto na nga ba siya kay Ryder? Hindi kaya? Magandang balita ito kung ganoon. Ibig bang sabihin, hindi ganoon kalalim ang pagmamahal niya kay DK?

Sa isiping hindi naman