Chapter 54

Dumaan ang isa, dalawa, tatlo, at hanggang sa naging isang linggo na ng hindi nagpapakita si Teiver sa bahay. Ilang ulit ko rin siyang tinawagan ngunit hindi siya sumasagot.

Ultimo text ay wala akong natatanggap sa kaniya.

Naka tatlong dalaw na nga si Kei sa bahay pero wala pa ring Teiver na sumisipot.

“Anong gusto mong kainin?” tanong ni Kei no’ng nilabas niya ‘ko sa bahay para maglakad sa park. Hapon na at nakapambahay lang ako habang si Kei ay naka business suit pa.

“Kwek kwek,” walang gana kong sagot. Mukhang napansin niya ‘yon kaya tumabi siya sa akin matapos niyang sabihin sa tindira anong kakainin namin.

“Galing ka ba sa trabaho?” tanong ko.

Napakamot siya sa ulo niya at tumango. “I need to work my ass hard as before. Hindi naman ako kagaya ni Teiver na magaling sa negosyo. TC is in its hardest time now.”

Natahimik ako dahil alam ko na dahil iyon sa nag-alisan na investor dahil kay papa at lolo.

“Sorry,” sabi ko.

Ngumiti lang siya at sinabing huwag ko ng aalahanin ang b