Chapter 33

“Sino iyon? Kilala mo ba?” nagtatakang tanong ni tita at tumabi pa talaga siya sa akin para lang matanong ako.

“Ahh medyo po,” hindi ko siguradong sagot.

Kilala ko si Sean pero hindi masiyado dahil nagtagpo lang naman ang landas namin sa bar.

“Ano bang ginagawa ni Mielo at ang tagal?” inis na sabi ni tita.

Natawa lang ako sa reaction niya dahil sure akong kawawa si tito mamaya.

“Oh ayan na pala siya,” aniya nang makita ang sasakyan ni tito palapit sa gawi namin.

Siya namang paglabas ni ate Nikolay mula sa pag bathroom break niya.

I’d like to think na dahil naiihi siya kaya siya pumunta ng bathroom pero hindi magsisinungaling ang mata niya. Mugto ito at halatang umiiyak.

“Tara na,” sabi ni tita sa amin at hindi nagkomento sa mukha ni ate. Alam kong alam niya na galing din si ate sa pag-iyak.

Pagkapasok namin ng sasakyan, agad kaming humaIik sa pisngi ni tito at pinagalitan naman siya ni tita Cha.

Para lang silang mga teenager sa lagay nila e. Malaki din ang age gap ni tita at