Chapter 38

"Sean, tabi tayo," sabi ko kay Sean habang lumalapit ako sa kaniya.

Pero agad ng nalukot ang mukha niya nang makita ako.

"Noelle, hindi pa ako nakakaporma sa ate Nikolay mo pero tingin ko ay pinaglalamayan na ako."

"Pinagsasabi mo diyan?" kunot noong tanong ko.

Nasa may pool kami dahil plinano ni mama na mag family bonding kami. Narito nga sina mama Kapilan at papa Grant.

Si Noah naman ay umalis pero babalik rin daw kaagad. So basically, ako, si Rio, at mga magulang lang namin ang nandito.

Tas saling pusa lang si Sean.

"Noelle, look, hindi pa ako nakakapunta ng North Korea. Pero pakiramdam ko, bago ako maka punta doon, tigok na ako dahil sa pinsan ko."

Sumilip ako sa gilid at nakita si Rio na masamang nakatingin sa amin ni Sean. Tipong, galit talaga at umiigting ang panga.

Nanayo bigla ang balahibo ko.

"Huwag mo akong iwan dito. Ayos lang naman kung mamatay ka," biro ko.

Agad niya akong sinamaan nang tingin.

"Wala ka talagang kwenta. Sabi mo ilalapit mo 'ko sa ate mo e b