Chapter 44

Nasa bahay ako nina mama Kapilan dahil dito ako dinala ni Rio. Nandito din pala si Noah at naabutan ko siyang umiinom ng cocktail habang nginisihan ako. May beer at gin din palang kasama.

Galit ko siyang pinuntahan at binatukan.

“Kainis ka! Bakit hindi mo ‘ko pinuntahan?”

“Anong silbi ng sasakyan mo kung susunduin kita?”

“Hindi ka ba makaintindi na sira nga?”

“Bakit nasira e kebago-bago no’n,”

Naiinis ko siyang tinapunan nang tingin.

“Isa pa, anong silbi niya kung susunduin kita?” nginuso niya si Rio.

Tumingin ako kay Rio at naabutan siyang nakatitig sa akin.

“Ano bang sinabi mo sa kaniya?”

“Sabi ko pinuntahan mo ang boyfriend mo sa New York kaya hindi ka nagpaalam sa kaniya.”

Inis na tinadyakan ko si Noah.

Ito namang si Rio, kung maka react akala mo naman single pa.

Tumalikod ako sa kanila dahil hahanapin ko si mama Kapilan or else mababaliw ako sa kanilang dalawa.

“Saan ka pupunta?” nagulat ako sa boses ni Rio na nasa gilid ko na.

“Sa loob. Bakit? Bawal?”

Kumunot ang