Kabanata 69

Hindi magkandaugaga si Lera sa pag-aayos ng gamit na kakailanganin ni Arim para sa foundation day sa paaralan nito. Magkahalong excitement at kaba ang kan'yang nararamdaman. Ito ang unang beses na makikita niyang mag-perform ang anak sa harap ng maraming tao.

Lumubog ang parte ng kama kung saan niya inaayos ang bag na dadalhin. Umupo doon si Lucas at itinukod pa ang dalawang kamay sa likod habang mataman siyang pinagmamasdan sa ginagawa. Na-di-distract si Lera pero pinilit niyang huwag itong tingnan.

"Hindi mo naman siguro pinapalayas ang anak natin n'yan, 'di ba?" biro nito na ikinairap niya lang.

"Baka naman pagbabakasyunin mo si Arim para masolo mo ako."

Sinalubong niya na ang titig nito at binato ng damit na hawak niya.

Nang mga nagdaang araw ay nagagawa na nilang magbiruan sa bawat isa. Habang tumatagal ay gumagaan ang loob ni Lera para dito subalit hangga't maaari ay pilit niyang ipinapaalala sa sarili ang sinapit ng ama.

"Tulungan mo