CHAPTER 47

"Pauwi na rin ako maya-maya. May isa lang akong kailangang bilhin pa. Iyon na lang, Gio," imporma ni Rhea kay Sergio. Kausap niya ito sa kanyang cell phone habang naglalakad na siya palapit sa kanyang sasakyan. Bitbit niya sa isa niyang kamay ang dalawang plastic bag ng pinamiling groceries. Kalalabas niya lang mula sa mini mart at ngayon nga ay pabalik na sa kanyang kotse.

"Dapat ay hinintay mo na lang ako, Rhea. Maaari naman kitang samahan sa pagpunta riyan sa bayan. Gusto mo bang sundan na lang kita riyan? Tapos na rin naman akong bisitahin ang kuwadra."

Marahan siyang natawa dahil sa mga sinabi nito. Kasalukuyan na niyang inilalagay sa backseat ng kanyang kotse ang mga pinamili niya. "There is no need to come here, Gio. I told you, pauwi na rin ako. Besides, kung pupunta ka pa, eh, 'di dalawang sasakyan na ang gamit natin."

Narinig niya ang pagpapakawala nito ng isang malalim na buntonghininga. Halatang hindi pa ito sang-ayon sa mga sinabi niya. "You should have told me that you a