CHAPTER 46

Dahan-dahang iminulat ni Rhea ang kanyang mga mata nang maramdaman niyang may banayad na humahaplos sa kanyang buhok. Pagdilat ay mukha agad ni Sergio ang kanyang nasilayan. Nakahiga pa rin ito sa kanyang tabi, nakatagilid paharap sa kanya.

Nang makita nitong gising na siya ay agad na sumilay ang isang matamis na ngiti sa mga labi ng kanyang asawa. Ang kamay nitong humahaplos kanina sa kanyang buhok ay hinapit na siya sa kanyang baywang at mahigpit siyang niyakap.

"Magandang tanghali, baby," bati nito sa masuyong tinig.

She just smiled lazily. Sa halip na sumagot ay isiniksik niya na lamang ang kanyang sarili sa dibdib nito at muling ipinikit ang mga mata. Dahil sa ginawa niya ay marahang natawa si Sergio sabay patak ng isang halik sa kanyang noo.

"Napagod ba kita masyado kagabi kaya talagang tanghali ka na nagising ngayon?" napapangiti pa nitong tanong.

Rhea answered him while her eyes were still closed. Ni hindi rin siya kumilos at hinayaan lamang ang kanyang sarili na namnamin ang