Chapter 14

"Bakit palagi kong napapansin si Senyorito Gaston na nakasunod kay Camilla? Noong nakaraan kita kong sinakay siya ni senyorito sa kabayo papuntang burol, kaninang umaga kita kong bumaba si Camilla mula sasakyan ni senyorito." Si Roda na parang may naka built-in na megaphone sa bibig sa lakas ng boses niya habang kausap ang kaibigan niyang si Minggay. Pati tuloy ang ibang mga skolar na andito sa hall ngayon ay nagbubulungan na din.

Pinatawag ang mga skolars ng Sandoval Foundation para sa dagdag na allowance, pambili ng gamit para sa opening ng klase. Kanina pa ako pinaparinggan ni Roda pero hindi ko siya pinapansin. Una, ayokong tanggapin ang basurang lumalabas sa bibig niya, pangalawa ayokong sayangin ang lakas ko para patulan ang mga parunggit nila sa akin.

"Ang yabang hindi naman kagandahan. Maputi lang siya kaya mukhang maganda pero kung naging maitim yan sigurado akong hindi yan mapapansin ni senyorito."

"Oh talaga? Share mo lang." mahina kong bulong. "Hindi ko na kailangang magpa