45. Pagbabayarin

Kanina pa nakakunot ang noo ni Alexander habang nakatingin kay Rose na nakaupo sa katapat niyang upuan. Naka-cross arms pa ang paslit, at nakanguso na nakatingin sa kanya. Simula ng dumating ito kasama si Raven ay hindi ito nagsasalita.

Hindi mapigilan ni Raven ang mapangiwi. Naalala niya ang sinabi ng inaanak sa kanya kanina.

“I hate daddy uncle. Mommy told me he moved in America to live here with his family kaya po hindi niya ako dinadalaw. He broke his promise to me.”

Natampal ni Raven ang noo. Mukhang nagsinungaling si Freya upang mailayo si Rose sa ama nito.

Tumikhim si Alexander upang kunin ang atensyon ni Rose, pero umingo lang ang bata at nakangusong binaling ang mukha sa kabilang gilid. Ang yaya naman ni Rose ay nahiya sa inasal ng alaga, ngunit kilala niya ang alaga, hindi ito kikilos ng ganito kung walang dahilan.

“Rose… hmm, are you angry?” Hindi nakatiis na tanong ni Alexander sa bata. Noong isang araw lang ay buhat pa niya ito habang umiiyak, subalit ngayon ay