40. Roses

“Congratulations, pare! Makakalaya ka na rin sa wakas. Ilang taon ka rin nakulong sa pagsasama niyo, Olivia. Ano ang plano mo ngayon?”

Binaba ni Alexander ang hawak na baso pagkatapos lagukin ang laman nitong alak. “I will pursue Freya to be mine again. This time, wala ng makakapigil sa akin… kahit magulang ko pa.” Sagot niya kay Tony.

“Sasabihin mo ba sa kanya ang totoo? Kung gusto mong mapadali ang pagbalik niya sayo, diba dapat malaman niya muna ang totoong dahilan kaya ka nagpakasal kay Olivia?”

Natigilan si Alexander sa tanong ni Bruce, pero agad din umiling ang lalaki. “Hindi na kailangan, pare. Ayokong balikan ako ni Freya dahil lang naaawa siya sa akin. Ang gusto ko… mahalin niya ulit ako katulad noon.”

“Pare, nakakalimutan mo yata. May anak na si Freya. Hanggang ngayon nga ay hindi mo pa rin kilala kung sino ang lalaking pinalit niya sayo after ninyong maghiwalay. What if mahal niya pa ang lalaking ‘yon kaya hindi pa siya nakikipagrelasyon sa iba?” Nilagyan ng alak n