Chapter 107

Dinala sa Ospital si Kristoff. Nag – aalala naman ang kanyang ina na binabantayan siya sa kanyang silid. Wala pa ring malay ang binata hanggang sa mga oras na iyon.

“Napakasama ko na bang ina para sa iyo, Kristoff? Ang mga ginagawa ko ay para naman lahat sa iyo! Bakit ka ba nagkakaganyan? Hindi ka naman sumusuway sa akin noon? Anong nangyayari? Habang tumatagal ay tumitigas na ang ulo mo at hinahayaan mo nalang na makuha sa iba ang kompanya!” ani ng ina ni Kristoff na napapatitig sa anak na nakahiga at wala pang malay.

Tinawagan na ni madam si Maggie pero hindi ito sumasagot sa mga tawag.

“Nasaan na ba siya? Kung kelan kailangan siya ni Kristoff, ngayon pa na wala siya!”

Walang tigil pa rin ang ulan hanggang mag – umaga.

Kinabukasan ay nagising na rin si Kristoff. Bumaba na rin ang lagnat niya pero mahina pa ito. Mag – isa lang siya sa kwarto. Dahan – dahan niyang idinilat ang kanyang mga mata at ang unang nakita niya ang bulaklak na sunflower sa vase na nasa mesa. Napatitig siya rito