Kabanata 2

"I'm sorry to interrupt you. May naiwang gamit lang. You may proceed cleaning. Don't mind me," tuwid na aniya.

Ramdam ko ang pagtusok sa puso ko sa lamig ng kaniyang boses. Hindi ganoon ang pakikitungo niya sa akin noon. Mas lumalim pa ang boses niya na hindi ko na nakilala.

Inaasahan ko na rin naman na ganito ang magiging tungo niya sa akin kapag nagkita kami ulit. Hindi ko lang naihanda ang sarili ko. Masakit pala.

Lumakad siya papunta sa kama kaya nilapitan ko na lang ang trolley at kumuha ng vacuum doon. Mamaya ko na lang aalisin ang bedsheet sa kama dahil nandoon pa siya.

Nanginginig ang kamay na minaniobra ko ang vacuum sa sahig. Mariing ipinikit ko ang mga mata habang nakatalikod sa direksyon niya.

"Have you seen an earring?"

Napalingon ako. Nakatayo siya sa gilid ng kama at blangko ang ekspresyon habang nakatingin sa akin.

"A-Ah. Wala po, s-sir." Pasimpleng kinagat ko ang ibabang labi sa pagkakautal. Ayaw kong mapansin niyang kinakabahan ako!

Bakit naman hikaw ang hinahanap niya? Sinulyapan ko ang kaniyang tainga. Wala naman siyang hikaw. Nagsusuot na ba siya ngayon?

Panay ang hanap niya sa sahig. Hinila niya ang mga drawers sa nightstand. Ch-in-eck niya rin ang kama. Sa unan, kumot at bedsheet. Tumalikod ulit ako at pinagpatuloy na lang ang ginagawa. Hirap akong huminga habang iniisip kung bakit hikaw ang hinihanap niya. Siya kaya ang guest dito? Tapos may kasama siyang babae na siyang nakawala ng hikaw? Pinilit kong huminga nang malalim. Alam ko kung anong katayuan niya sa mga babae. Mapaglaro siya. Kahit nga sa opisina niya roon niya ginagawan ang mga babae niya. Pero bakit dito pa siya kumuha ng room? Bakit hindi na lang sa sarili niyang hotel? Higit na mas maganda naman iyon kaysa rito. O baka naman gusto niyang lumayo. Baka taga rito iyong babae kaya siya na itong dumayo. Higit isang oras din ang byahe papunta sa Casa de Saros. Ayaw siguro niyang mapagod iyong babae niya.

Natapos ako sa pagva-vacuum dito sa loob kaya doon naman ako sa balkonahe. Kinuha ko sa trolley ang spray at basahan saka mabilis na lumakad na roon. Nang makalabas, para akong sinampal ng hangin sa katotohang madali lang naman akong palitan. Sino ba naman ako para mahalin niya nang sobra? Kahit nga iyong mga modelo, hindi nga tumatagal sa kaniya, ako pa kaya na housekeeper lang at anak ng tindera ng gulay noon sa palengke?

Saglit lang akong nag-vacuum at nagpunas ng railings. Pagbalik ko ulit sa loob, naghahanap pa rin siya. Naroon na siya sa harap ng tv stand. Ngumiwi ako at tiningnan ang kama. Magulo na iyon dahil sa ginagawa niya.

"A-Ahm... Ako na lang ang maghahanap. Siguradong makikita ko iyon habang naglilinis ako."

Lumingon siya sa akin kaya nag-iwas agad ako ng tingin. Lumapit ako sa kama at sinimulang magtanggal ng pillowcase. Rinig ko ang arogante niyang pagbuntong-hininga. Mula sa sulok ng mata ko, nakatingin siya sa akin habang nakapamewang sa panlalaking paraan.

"You found it first, don't you?" may pambibintang ang tono niya.

Parang tumaas naman ang dugo ko roon. Mabilis akong lumingon sa kaniya at hindi na naitago ang pagkunot ng noo. Hindi ko nagustuhan ang tono ng pananalita niya. Inaakusahan ba niya akong tinatago iyon?

"Hindi po sir."

Bumaling siya saglit sa ibang direksyon at painsultong natawa. Binalik niya ang tingin sa akin nang nakangisi. Ano ito? Bakit siya ganyan?

"C'mon, I know you. The earring costs a fortune. Astra said it's 24 karat gold. Pwedeng pwede ibenta sa pawnshop iyon kahit isang piraso lang."

Si Astra. Si Astra ang kasama niya rito? Iyong babaeng iyon?

Mas lalong tumindi ang kunot ng noo ko. Napakurap-kurap ako sa harapan niya. Nanginginig ang labi sa nagbabadyang luha pero pilit kong pinigilan ang sarili. Huminga ako nang malalim.

Eh ano kung magkasama nga sila? Sila naman talaga ang dapat sa isa't isa. Ako lang itong pumapagitna sa kanilang dalawa noon.

Huminga ulit ako nang malalim. Ang isiping kaya na niya akong tratuhin nang ganito ngayon, nakakapanliit. Talaga bang pinagbibintangan niya ako? Naiintindihan ko naman na may pinanggalingan ang pagbibintang niya. Kinuhanan ko siya ng pera noon kaya hindi ko siya masisi kung nagbago na ang tingin niya sa akin. Hindi ko lang matanggap. Alam kong arogante at masama ang ugali niya pero ang tratuhin niya ako nang ganito? Ibang-iba sa kung papaano siya noon. Ni hindi niya hinahayaang apihin ako noon pero ngayon, siya na ang gumagawa.

Pinilit kong lunukin ang namumuong bukol sa lalamunan. "H-Hindi ko alam kung nasaan ang hikaw... Kung ganoon pala ang halaga... dapat... iningatan iyon," kinagat ko ang ibabang labi sa binitiwang salita.

"Aksidenteng nahubad sa tainga niya iyon. It doesn't mean she's being careless!" Iritado na siya.

Bumagsak ang tingin ko sa unan na hawak. Hindi ko magawang alisin ang punda nito. Nanginginig ang mga kamay ko.

"Inuna kong nilinis ang banyo. Wala akong nakitang hikaw roon. Hindi ko pa naman nalilinis ang buong kwarto kaya... mahahanap ko pa iyon," napapaos na isinatinig ko. Hindi ko pa sigurado kung narinig ba niya lahat ng sinabi ko sa hina ng boses ko.

Napabaling ako sa kaniya nang pumunta siya sa sofa set. Nakapamewang siyang nakatayo habang ginagalugad ang tingin sa carpet.

"I have an instinct that you already found it. Who knows? Baka pagkatapos nito magre-resign ka na dito. Knowing you. You're really good at it-- steal then runaway."

Tumiim ang bagang ko. Mabilis ko siyang hinarap.

"Edi hanapin mo sa akin!" Ibinuka ko ang mga bisig sa harapan niya. Pati ang palad ko ay ipinakita ko rin na walang hawak. "Kapkapan mo ako nang malaman mong nagkakamali ka ng bintang!" sigaw ko.

Madilim ang mga matang nakatingin siya sa akin. Gumalaw ang kaniyang panga at sa mabilis na paraan, tinawid niya ang distansiya naming dalawa. Tinulak niya ako sa kama. Sumampa siya at ikinulong ako sa pagitan ng nakaluhod niyang tuhod. Pinaibabawan niya ako. Para siyang tigre na galit na galit. Pinagsisisihan ko na tuloy ang ginawang paghahamon sa kaniya.

Agresibo niyang pinasok nang sabay ang dalawang kamay niya sa magkaparehong bulsa ng slacks ko. Nang walang mahanap doon, lumipat naman siya sa bulsa ng blouse ko. Bigo rin siya kaya pinaglandas niya ang dalawang kamay mula sa baywang ko pababa sa balakang. Tumiim ang bagang ko sa ginawa niya. Parang hinulma niya ang hugis ng katawan ko.

"W-Wala nga sa aki--"

"I'm not yet done!"

Lumingon siya sa likod at inabot ang paa ko. Nanlaki ang mga mata ko nang hinawakan niya ang binti ko at inalis ang suot na black shoes. Tumiklop ang mga paa ko sa kahihiyan. Inaakala niya bang sa sapatos ko itatago iyon?

Humarap ulit siya sa akin at hinila ang kwelyo ko. Agad kong hinawakan ang palapusuhan niya sa rahas nang kaniyang kilos. Pero dinala lang niya ang mga kamay ko sa aking uluhan at doon pilit na ipinirmi. Gamit ang isang kamay, hinila niya ang kwelyo ko. Nagtalsikan ang butones noon kaya lumantad ang dibdib ko sa harap niya.

"Ano ba! Bitiwan mo 'ko!"

Lumayo na kami sa pagtatalo. Hinuhubaran na niya ako! Anong balak niya?!

Pilit kong tinatanggal ang kamay mula sa hawak niya pero mas hinigpitan pa niya ito. Kita ko kung gaano katigas ang kaniyang panga sa pagkakaigting. Parang wala na siya sa katinuan. Mas dumilim pa ang kaniyang mga mata.

Dinakot niya ang gitnang bahagi ng bra ko at hinila paangat. Nasilip ko ang nagtatayuang hinaharap ko nang gawin niya iyon. Hindi niya iyon nakita pero nang isingit niya ang kamay sa ilalim ng bra ko, napasigaw ako.

"Caius!"

Umiktad ako. Sinipa ang kama para maiangat ang sarili at maialis ang kamay niya sa loob ng bra ko pero sinundan niya lang ako. Umabante siya habang nakaluhod at inupuan na ang puson ko para mapirmi ako mula sa paglilikot. Ginala niya ang kaniyang magaspang na kamay sa ilalim ng dibdib ko. Ramdam kong malapit na niyang tamaan ang sentro kung saan ang pinakasensitibong parte.

"T-Tumigil ka na!" protesta ko.

Mas naging agresibo pa siya. Rinig ko ang bayolenteng paghinga niya. Inalis niya ang kamay sa aking dibdib at parang hihiwalay ang kaluluwa ko sa sunod niyang ginawa. Umalis siya mula sa pagkakaupo sa aking puson, umatras at bumaba sa kama. Sa mabilis at pwersahang paraan, hinila niya ang slacks ko pababa. Nakawala ang mga kamay ko kaya ang nagawa ko na lang ay ang takpan ang kaselanan ko habang pilit hinihila pataas ang aking pantalon na nasa tuhod ko na. Inalis niya ang kamay ko sa ibabaw ng aking panty at ang kaniya naman ang pumalit doon. Namilog ang mga mata ko nang maramdaman ang mainit niyang palad na lumalandas sa patag na parte ng aking pagkababae. Tumatagos ang init niya sa ilalim ng manipis na saplot ko!

Narinig ko ulit ang mahina ngunit mariing mura niya. Sa magaspang na paraan, inikot niya ako padapa sa kama. Napatili ako nang kapitan niya ang buhok ko at idiniin ang mukha sa kama habang ang isang kamay niya ay kinakapkapan ang aking pang-upo. Hinila niya ang buhok ko para maiangat ang mukha. Ginamit ko ang pagkakataong iyon para maghabol ng hininga. Hindi ko pa natapos punuin ng hangin ang baga, muli niya akong isinubsob sa malambot na kutsyon.

Gumapang ang kamay niya sa gitnang bahagi ng likod ko hanggang sa hook ng aking bra. Pumailalim ang kaniyang kamay roon at kinapa kung anong mayroon doon. Nang wala siyang mahanap, binitiwan na niya ang buhok ko at umalis na sa kama. Agad akong tumihaya at bumangon paupo. Tiim ang bagang na pinanlisikan ko siya ng mata. Nakatayo na siya sa harapan ko, ilang dipa ang layo ng tuhod niya mula sa paanan ng kama. Nanlabo ang rehistro niya sa paningin ko at humapdi ang mga mata. Saka ko lang naramdamang naiiyak pagkatapos ng ginawa niya. Pakiramdam ko, pinahiya niya ako kahit na wala namang ibang nakakita sa amin.

Hindi ko na napigilan nang pumatak ang mga luha. Pinapanood niya ako habang hinihila ko pataas ang hinubo niyang pantalon ko.

"Caius?"

Sabay kaming lumingon sa pinto at nakita si Astra na laglag ang panga, nanlalaki ang mga mata habang nakatingin sa aming dalawa. Agad lumakad si Caius papalapit sa kaniya.

"She suddenly undress herself in front of me. She might be hoping I'll get back to her," pagdadahilan niya.