Chapter 1.2

Muling bumalik ang ngiti sa kanyang labi, tinignan niya pa sila Claude na ngayo'y may masamang tingin sa kanya bago nito sagutin ang katanungan. "Yes, I am Rosie Fleur Bamford, the first wife of Mr. Claude Vince Montreal."

Gulat ang makikita sa mukha ng mga taong nakarinig nito at ang mga reporters na nakapalibot sa kanila'y mas rumami ngayong nalaman nila na hindi pala si Kourtney ang unang asawa ng lalaki. Magtatanong pa sana ang mga reporters kay Rosie nang mabilis itong pinigilan ng mga tauhan niya saka nagtuloy-tuloy na mawala sa paningin ng lahat.

Iniwan naman ni Claude ang asawa nito na pilit pinapalibutan ng mga tauhan ng kanilang pamilya upang sundan si Rosie na papaalis na sa hotel. Mabilis ang naging takbo nito ngunit hindi naging madali para sa kanya na makaalis sa reception dahil sa rami ng mga reporters na sumusunod sa kanya. Kaya upang makaalis, sinenyasan niya ang ilan pa nilang tauhan upang pigilan sila kaya kinuha niya itong pagkakataon upang makawala sa mga ito.

Paglabas niya ng reception, mangilan-ngilan ang mga taong nakatingin sa kanya na hindi na nito pinansin. Luminga siya sa paligid at pilit na hinanap ng kanyang mata ang bulto ng babae. Hindi naman siya nabigo nang makita nitong naglalakad na siya papunta sa elevator kasama ang ilang mga lalaking nagbabantay sa kanya.

Walang pag-iisip siyang tumakbo papunta rito kung saan mabilis siyang pinigilan ng mga nakabantay sa babae. Inosenteng tingin ang pinukol ni Rosie sa kanya na sinenyasan ang mga tauhan nitong hayaan siyang makalapit sa kanya.

"Nagustuhan mo ba ang regalo ko?" natatawa niyang tanong. Hindi naman sumagot si Claude sa tanong nito, bagkus pagbukas ng elevator hinila niya papasok sa loob si Rosie na mukhang inaasahang 'yun ang gagawin ng lalaki. Walang palag ang mga tauhan nito nang muling pigilan sila ng babae na sumunod sa loob na mabilis na nagsara.

Tumakbo ang mga ito sa katabing elevator para sundan sila na deretso lang sa pagbaba sa pinakamataas na floor ng hotel.

Mahigpit na hawak ang ginawa ni Claude sa kamay nito habang hindi makapaniwalang pinagmamasdan ang dati niyang asawa. Lamang ang galit na nararamdaman nito sa ginawa ng babae ngunit parang bulang naalis nang mapukaw muli ang atensyon niya sa taglay na kagandahan ng babae. Kumislap ang isa niyang mata na ipinagtaka kaunti nito ngunit agad ding naalis sa kanyang isipan na parang bula.

Sa pagluwang ng pagkakahawak ni Claude sa kamay niya, kinuhang tiyansa ito ni Rosie para bawiin ang kamay bago ilagay ang buhok sa kanyang likuran. Napangisi siya sa isipan nang makitang napalunok kaunti ang lalaki sa ginawa nito kaya naman lumapit siya sa mga button ng elevator at may pinindot doon na nagpahinto sa pagtakbo nito.

"It's been a while darling, hindi mo man lang ba ako na-miss?" nang-aakit niyang tanong sa lalaki. Pagkaharap niya rito, hinawakan niya ang baba ni Claude para paglapitin ang mukha nilang dalawa. Dinaan niya pa ang isa niyang daliri sa labi nito kaya ganun na lang na mas napalunok ang lalaki sa ginagawa nito sa kanya.

Marahang kinagat ni Rosie ang pang-ibaba niyang labi. "Uulitin ko ang tanong ko, na-miss mo ba ako?"

Kusang tumango ang ulo ng lalaki na para bang naging sunod sunuran sa mga ginagawa ni Rosie at kahit sinasabi ng utak niyang lumayo, hindi niya magawa dahil sa ayos at pustura nito ngayon na kahit na sinong lalaki'y hindi kayang iwasan.

Isang h***k sa gilid ng labi ang iniwan ni Rosie na naging dahilan upang hindi na mapigilan pa ni Claude ang sarili't bigla na lang itong siniil ng h***k. Pinulupot naman agad ng babae ang kamay nito sa kanya nang isandal siya nito sa gilid habang tinutugon ang bawat h***k sa kanya nito.

Para ba siyang tuluyang nawala sa tamang pag-iisip at saglitang kinalimutan ang nangyari sa kasal nila ni Kourtney at hinah***kan ang babaeng sumira ng gabi nilang dalawa. Tagumpay ang nasa isip ni Rosie sa naging reaksyon ng dati niyang asawa sa kanya na ang h***k nito ang naging patunay na hindi pa rin talaga ito nagbabago kahit lumipas na ang dalawang taon.

Isang impit na ungol ang kumawala sa bibig ng babae na sinadya nito upang mas lalo pang akitin ang lalaking naging epektibo naman dahil mas lumalim pa ang h***k nilang dalawa. Hindi marahas at hindi rin marahan ang bawat h***k na pinagsasaluhan nilang dalawa, ngunit naging sapat na ito upang malasing si Claude sa nangyayari.

Habol nilang dalawa ang kanilang hininga nang maputol ang kanilang halikan na si Rosie mismo ang pumutol sa pagtulak niya sa lalaki. Nakatitig lang si Claude sa kanya na puno ng pagnanasa at pagkasabik sa muli nilang pagkikita. Hindi niya lubos maisip na sa ganitong sitwasyon sila muling magkikita na kung saan ay makakaramdam siya ng kaunting saya kahit na sinira pa nito ang naging reception ng kasal nila ni Kourtney.

"Hindi ko alam na sobra mo akong na-miss, edi sana mas maaga akong bumalik," sabi ni Rosie. Inayos nito ang nagulong buhok ni Claude saka binalik ang tingin sa kanya. Pinadaan niya ang kanyang hintuturo sa d****b ng lalaki at huminto lamang nang magsalita ito.

"Kailan ka pa bumalik?" seryosong tanong niya kay Rosie na hindi naalis ang tingin sa mata nito.

Mahina siyang tumawa. "Nung isang araw, masyadong boring sa States kaya naisipan kong bumalik para ibigay ang maganda kong regalo sa inyong mag-asawa," sagot niya.

Sa sinabi nito, para bang natauhan si Claude at naalala na nasira nga pala ang halos perpektong kasal nila ni Kourtney dahil sa kagagawan niya. Napaatras siya't magagalit sana ngunit hinila ni Rosie ang necktie nito't iniwanan ng isang mabilis na h***k sa labi. Niyakap din nito ang isa niyang kamay sa kanyang balikat saka muling hinalikan, kung saan nag-iwan ng marka ang kanyang lipstick na sinadya niya upang ipakita kay Kourtney.

"I really hope you enjoyed my gift, darling. At kung ako sa'yo, pupunasan ko ang aking labi dahil ikaw rin baka makita pa ng bago mong asawa ang marka ng matamis mong h***k," nakangisi niyang saad bago itulak ang lalaki't muling lumapit sa mga button ng elevator.

May pinindot siya ulit doon na nagpaandar sa elevator pababa. Si Claude naman ay mabilis na nilabas ang panyo nito sa suot niyang tuxedo para punasan ang kanyang labi. Habang ginagawa niya ito, inayos ni Rosie ang sarili na saktong natapos bago pa man bumukas ang elevator.

Mula sa maliit niyang pouch na kanyang hawak-hawak, naglabas siya ng isang calling card at binulsa ito sa tuxedo ni Claude. "See you around, Claude 'till our next meeting."

Kinindatan pa ni Rosie ang lalaki na nakatungangang pinapanood ang pag-alis nito sa loob ng elevator kung saan sinalubong naman ang babae ng mga ilan niyang tauhan. Hanggang sa muling pagsara ng pinto'y nakatitig lang si Claude dito at napaisip ng malalim.

Napasuklay pa siya sa buhok nang maalala ang nangyari lalo na sa halikan nilang dalawa na hindi maalis sa kanyang isipan. Para bang nakatatak na ito sa kanya at hindi mapigilang isipin na gusto niyang maulit muli ang nangyari.

"D*mn!"