Prologue

Ilang araw ng nasa business trip si Jack at madalas hindi rin nakikita ni Harah ang kaniyang kapatid na si Aryah.

"Harah, saan ba nagpupunta ang kapatid mo?" tanong ng Mommy ni Jack.

"Hindi ko po alam," sagot ni Harah. Inis na tinalikuran ng Mommy ni Jack si Harah.

"Harah, gawin mo nga iyong nasirang cabinet," utos ni Marites na tiyahin ni Jack. Sinunod iyon ni Harah.

Habang wala si Jack sa Mansion ng mga Coleman, sinasamantala naman ng mga kamag anak ni Jack ang pang aapi at pagpapahirap kay Harah.

"Harah, pakikuha nga iyong bag ko sa kuwarto. Nakalimutan ko sa sobrang pagmamadali," sambit naman ni Marisol.

"Sige po. Sandali lang." tugon ni Harah sa mababang boses.

Nang magawa na ni Harah ang utos ng mga tiyahin ni Jack ay bumalik na si Harah sa paglilinis ng bahay. Isang katulong si Harah sa Mansion ng mga Coleman at ampon lamang sila ni Aryah mula sa Bahay-Ampunan. Magkaiba ang trato sa kaniya ng pamilya ni Jack pero hindi kailanman nagtanim ng sama ng loob si Harah.

Kinagabihan..

Nagwawala si Marisol at hinahanap si Harah.

"Puny*ta! Haraaah!!!!" galit na galit na sigaw ni Marisol. Tumakbo naman si Minerva sa silid ni Harah.

"Harah! Harah! Nagwawala si Ma'am Marisol, hinahanap ka," aligagang sabi ni Minerva. Kumunot ang noo ni Harah at sumunod sa katulong.

Nang makaharap ni Harah si Marisol ay isang malakas na sampal sa pisngi ang sinalubong ni Harah. Halos mamula ang pisngi ni Harah sa lakas ng sampal nito sa kaniya.

"Piste kang babae ka! Ninakaw mo ang alahas at pera na nakatago sa aking kwarto ano?!" galit na bintang ni Marisol. Nanlaki ang mata ni Harah roon. Dahil kahit kailan hindi niya nakaugaliang mangialam ng gamit o pera ng iba. Hindi siya ganoong tao.

"Ma'am, huwag niyo naman akong pag bintangan. Malinis ang aking konsensya, wala ho akong kinukuha sa inyong kwarto. Mas gugustuhin ko pang wala akong pera kaysa magnakaw," katwiran ni Harah. Nanlilisik ang matang sinikmatan ni Marisol si Harah.

"Sinungaling! Ikaw lamang ang inutusan kong mag tungo sa aking kwarto, para kumuha ng aking bag kaya paanong mawawala ang aking alahas at pera kung hindi mo kinuha, ha?!" sambit ni Marisol sa naiinis na tono. Noon pa man ay mainit na ang dugo nito kay Harah dahil napakaganda ni Harah. Naiinggit silang magkapatid sa maamong muka at batang itsura ni Harah, tipong hindi na nito kailangang mag ayos.

"Totoo po ang aking sinasabi," umiiyak na sabi ni Harah. Sa ganoong estado nadatnan ni Jack ang dalawa.

"Anong problema?" tanong ni Jack sa nag aalalang tono saka lumapit kay Harah. Yumakap ito sa bewang ng kasintahan.

"Wala!" galit na sagot ni Marisol at umalis. Alam kasi nilang papaimbestigahan ni Jack ang nangyari at malalaman nito na gawa-gawa lang ni Marisol ang lahat para pag initan si Harah.

Makalipas ang ilang araw..

Habang naglalaba ay pakiramdam ni Harah may nagtutulak sa kaniyang mag tungo sa kwarto ni Jack. Sobrang lakas ng kabog ng dibdib ni Harah ng mga oras na iyon. Hindi siya mapakali. May kung anong nabulong sa kaniyang pumunta kaya nagpasya na siyang tigilan ang paglalaba pansamantala at naglakad paakyat ng mahabang hagdan.

"Ano kayang meron? Bakit ganito?" aniya sa sarili. Nang buksan niya ang pintuan ay tila binuhusan siya ng malamig na tubig. Kitang kita ni Harah ang hubad na katawan ni Jack at Aryah. Galit niyang tinalikuran ang dalawa. Dalawang araw nalang ay ikakasal na si Harah kay Jack. Tapos mahuhuli niya itong katabi sa kama ang kaniyang kapatid.

Sobra sobra ang sakit na nararamdaman ni Harah ng mga oras na iyon. Tila binuhusan siya ng malamig na tubig. Ramdam ni Harah ang sakit dahil mahal niya si Jack.

"Mga walanghiya! Sinasabi ko na nga ba! Nangbabae si Jack at ang kapatid ko pa. Ilang beses na'kong kinukutuban. Pero binalewala ko dahil naniniwala akong hindi ako sasaktan ni Jack. Pero binigo ako nito." umiiyak na sabi ni Harah. Pero dahil sa pagmamahal kay Jack ay binalewala iyon ni Harah.