Chapter 15 - What's the feeling?

Agad nang tumalikod na si Lindsay para lumabas ng opisina ni Dimitri. Pabalibag na isinara pa nito ang pinto bago pa muna ito tuluyang nakalabas.

Bigla ay nangamba si Dimitri sa huling sinabi nito sa kanyang pagbabanta ngunit sa isip-isip niya ay nadala lamang siguro ng galit nito si Lindsay at hindi naman ito gagawa ng bagay na alam nitong mali at pagsisisihan sa huli.

May dinukot siya sa kan'yang bulsa at napangiti nang buksan niya iyon. Nasa kanya lang naman ang couple ring na nabili niya ro’n sa shop ng kaibigan ni Sandy. Hindi niya ito naibigay kay Lindsay sa mismong araw na iyon na ipinagpasalamat niya, paniguradong mas lalo lamang niya masasaktan si Sandy kaya ibibigay niya ito sa asawa. Silang dalawa ang magsusuot nito, pero, saka na.

Kapag sinagot na siyang muli nito sa kanyang panliligaw.

“Ano kamo?! nabibiglang sambit naman ni Corrine sa nalaman mula sa kaibigan. “G*ga ka! Ang rupok mo! I hate you!” inis na tinalikuran nito si Sandy na naghahaba ang nguso sa paninermo