Chapter 13 - Enemy

“Jaime! Bakit hindi ko 'to alam? Bakit hindi mo sinabi sa akin na umalis si dad?” dismayadong tanong ni Sandy. Umalis kasi ang kanyang ama at hindi man lang nagpaalam sa kanya, wala rin umano itong pasabi kung kailan ito magbabalik.

“Pasensiya na, young lady. Pero ayaw niya raw po kayong abalahin. ‘Wag ka rin daw mag-alala dahil hindi naman daw siya magtatagal.”

“Paanong hindi ako nag-aalala? Matanda na si daddy. O, baka may inililihim kayo sa ‘kin? Sabihin na ninyo!” Agad naman na napailing si Jaime.

“Wala, parang hindi mo naman kilala ang Don. Hindi ba ‘t sa kanya ka nagmana? Ilang taon kang nawala, hindi ka rin naman napigilan,” sabi pa ni Jaime dahil totoo namang may pinagmanahan siya.

“Sabihin mo na lang sa akin kung saang bansa siya nagpunta?” tanong niya pa habang masama ang tingin kay Jaime ngunit muli na naman itong napailing.

“Hindi namin alam.”

“Jaime naman! Alamin mo na, please…” dahil hindi talaga siya mapalagay. Gusto niyang marinig ang boses nito upang mapanatag na