Kabanata 96: I Love You

ALLYS POV

Pag-ibig.

Pagmamahal.

Ano nga ba ang ibig sabihin ng mga salitang iyan?

Lumaki akong ulila na sa aking mga magulang kaya ni kahit minsan ay hindi ko naranasan ang mga bagay na iyan. Sa halip ay namulat ako sa karahasan at paghihirap.

"Gulay! Gulay po kayo diyan! Ate baka gusto niyo pong bumili sa mga gulay ko po. Masustansya po ang mga ito at masasarap pa po," alok ko sa isang ale na nagwawalis sa harapan ng kanilang bahay.

"Naku, Allys! Ikaw pala iyan! Sige bibili ako," nakangiting sabi ni Aling Martha sa akin.

Siya ang pinaka suki ko sa mga pinag nilalakuan ko ng mga gulay at halos lahat ng mga paninda ko ay dito ko na sa kanya idenederetso dahil sa binibili niya nga ang lahat.

"Magkano ba lahat iyan, Allys?" tanong niya sa akin habang hawak-hawak ang malaki niyang walet na may maraming zippers.

"200 lang po lahat, Aling Martha," ngiti ko sa kanya habang sinisilid ko sa isang butas-butas na plastic ang aking mga paninda.

May tindahan kasi si Aling Martha ng mga g