Kabanata 102: Probinsiya

ALLYS POV

Habang papaalis ako ng mansyon ay may nakita akong isang taxi na papalapit sa akin. Papalabas na ito at mukhang may inihatid lamang itong pasahero dito sa loob ng subdivision.

Mabilis ko itong pinara at nang huminto ito sa aking harapan ay agad na akong sumakay.

"Sa pinakamalapit po na terminal, Kuya," sabi ko sa driver.

Habang papalabas kami ng subdivision ay hindi ko mapigilang mapalingon sa napakalaking gate na papasara. Mamimiss ko silang lahat. Mamimiss ko ang lahat ng mga masasayang araw ko na kasama sila. Lalong lalo na si Leon.

Wala siyang alam.

Hindi niya alam ang mga nangyayari ngayon sa akin.

Ano kayang mararamdaman niya kapag nalaman niyang wala na ako sa poder ng mga Cuevas?

Magmamahal pa kaya siya ng iba? O hahanapin niya kaya ako? Hindi! Imposible ang iniisip kong hahanapin niya ako. Siguro ay si Meldrid na ngayon ang magiging fiancee niya.

'Leon, patawarin mo ako. Patawarin mo ako sa pag-iwan ko sa iyo.'

Buong byahe patungong terminal ay umiiyak ak