Chapter 5

Malinaw na sa kanilang dalawa ang gagawin nila. Pumayag na si Rizza sa gustong mangyari ni Drake na bigyan siya nito ng anak na magiging tagapagmana ng pamilya niya. Kapalit ng pagpayag ni Rizza ay ang pagpapalaya sa kanya. Makakauwi na siya sa bahay nila. Makakasama na niya ang pamilya niya pero kailangan pa rin niya na bumalik sa mansion ni Drake. Hindi puwedeng hindi siya bumalik dahil may kasunduan silang dalawa.

Naunang lumabas sa silid na 'yon si Drake at sumunod sina Dan kasama si Rizza. May mga nakasunod sa kanyang dalawang mga lalaki na tauhan ni Drake. Papunta sila sa dining room para kumain siya. Kanina pa kumakalam ang sikmura niya. Nagugutom na siya. Kailangan na niyang kumain.

Pagkalabas na pagkalabas nila sa silid na 'yon ay namangha si Rizza sa ganda ng mga nakikita niya. Maraming mga kumikinang na bagay sa loob ng mansion ni Drake. Napakalinis at napakabango sa loob. Kahit manalamin siya ng kanyang sarili ay kitang-kita niya ang mukha niya. Habang bumaba sila sa hagd