Chapter 6

Hindi makapaniwala si Rizza na binilihan pa siya ni Drake na mga damit. Hindi lang cell phone ang ibinili nito para sa kanya. Kailangan pa rin niyang tanggapin 'yon kahit ayaw niya dahil binibigay ni Drake 'yon sa kanya.

"Ano?! Sa akin ang mga 'yan? Hindi mo na dapat ako binilhan ng mga damit. May mga damit naman akong sinusuot sa amin, eh. Marami rin ang damit ko sa bahay," reklamo ni Rizza kay Drake na ngumiti lang sa kanya.

"Wala namang problema 'yon. Marami o kaunti ang damit mo sa bahay n'yo ay bibigyan pa rin kita ng mga bago kahit ayaw mo. Gusto lang naman kitang bigyan ng bagong damit na maisusuot mo. Branded ang mga 'yan, Rizza. Tanggapin mo na 'yan, please," sabi ni Drake sa kanya. Napakagat labi tuloy siya.

Ilang segundo muna ang lumipas bago siya sumagot kay Drake. Nakatuon ang mga mata niya sa apat na paper bags na nasa harap niya. Pangalan pa lang ng paper bags ay alam na niyang branded ang mga damit na 'yon na binibigay ni Drake sa kanya.

"Tanggapin mo na ang mga 'yan,