Kabanata 3 - Stay away from my girlfriend

Eloise's Point of View

"Matagal ko nang sinasabi sayo di ba? Iwanan mo na ang lalaking iyon at umuwi ka na dito sa Pilipinas, pero hindi ka nakinig sa akin." Si Brynne iyon na nasa kabilang linya. "Mas pinili mo pang manatili diyan, lolokohin ka lang pala."

Mariin akong pumikit. Hawak-hawak ko ang aking sintido habang dahan-dahan kong minamasahe iyon. Tinawagan ko ito para kahit paano ay gumaan ang aking pakiramdam. Ngunit parang mas lalo lang sumasakit ang ulo ko.

Kaibigan ko ba talaga ang babaeng ito?

Matagal ko ng kaibigan si Brynne. Kapatid na ang turing ko sa kanya. Minsan iniisip ko kung paano kami naging magkaibigan nito gayong magkaiba naman kami ng mga gusto.

Sa tuwing may problema kami ni Atticus ay sa kanya ako nagkukwento. Katulad na lang ngayon, nang malaman kong niloloko ako ni Atticus. Pero minsan, sesermonan ka lang niya sa halip na damayan ka.

Wala naman akong problema sa ugali ng kaibigan ko, kahit minsan ay may pagkamaldita ito.

Palagi niya akong pinipilit na umuwi ng Pilipinas ngunit lagi kong sinasabi sa kanya na hindi ko kayang iwanan dito sa Canada ang aking nobyo.

Pero ngayon, wala na akong maidadahilan sa kanya. Maaring tama ang kaibigan ko, kailangan ko na sigurong umuwi ng Pilipinas.

"Simula noong naging kami ni Atticus, wala naman kaming naging problema. Mahal na mahal niya ako, Brynne. Hindi ko alam kung bakit bigla na lang siyang nagbago. Ano bang ginawa ng babaeng 'yon para maagaw sa akin ang nobyo ko!"

Mahal na mahal ako ni Atticus, hindi siya nagkulang na iparamdam iyon sa akin. Kaya ngayon, hindi pa rin ako makapaniwalang nagawa niya akong lokohin.

"Hayaan mo na si Atticus sa bruhang iyon. Ang mahalaga hindi pa kayo kasal bago mo malaman ang tungkol sa babae niya."

Malungkot akong sumang-ayon sa aking kaibigan. Tama nga ito, mas mahirap kung kailan na kami kasal saka siya magloloko.

"At huwag mong iiyakan ang lalaking iyon. Ipakita mong hindi siya kawalan."

Malalim akong napabuntong hininga. Masakit pa rin sa akin ang pagtaksilan ni Atticus. Limang taon na halos sa kanya lang umikot ang mundo ko.

Matapos kong makausap si Brynne ay napagpasiyahan kong magtungo sa bar.

Isang miniskirt ang aking napiling isuot na aabot lang ang laylayan nito sa kalagitnaan ng aking mga hita. Pinaresan ko ito ng isang crop top.

Sa Guilt & CO ako dinala ng aking mga paa. Isa itong maliit na bar sa underground ng Gaston.

Pagkapasok ko sa loob ay isang maingay, mausok at halos marami ng mga lasing ang bumungad sa akin.

May mga live music din sila dito. Kunti lang ang tao ngayon dahil weekdays, kadalasan maraming tao dito kapag Sunday.

Naupo ako sa isang lamesa kung saan naghihintay sa akin si Aurora.

Tinawagan ako nito kanina at niyaya na mag bar kami. Hindi na ako nagdalawang isip na sumama.

Tinawag ko ang waiter. Lumapit naman agad ito at magalang na itinanong ang aming order.

"Give me two glasess of Sultry Holy Smoke cocktail." Saad ko sa waiter.

Pagkaalis ng waiter ay binalingan ko si Aurora. Kanina pa ito naghihitay sa akin. Iisang kumpanya lang ang aming pinagtatrabahuhan. Isa din siyang pinoy na katulad kong nagtatrabaho dito sa Canada. Madalas niya akong yayain na mag bar pero lagi ko iyong tinatanggihan.

Sa buong buhay ko ay ngayon lamang ako nakapasok na ganitong klaseng lugar. Nasanay akong puro tarabaho at bahay lamang. Hindi ko inaasahan na masaya palang pumunta sa ganitong lugar.

"Tinawagan ka na ba ng magaling mong boyfriend?" Pagkaraa'y tanong sa akin ni Aurora.

Nasabi ko sa kanya na naghiwalay na kami ng boyfriend kaya gusto kong maglasing ngayon.

"Ex-boyfriend, rather!" Pagtatama ko dito. "And please, don't mention again that fvcking bastard!"

Nakangiting itinaas ni Aurora ang kanyang mga kamay ng bigyan ko ito ng masamang tingin. "Maghanap na lang tayo dito ng lalaki! Look, ang daming mga gwapo!!" Pasimpleng itinuro sa kanya ni Aurora ang mga lalaki sa kabilang table. Nakita kong kumayaw pa ito sa amin. Hindi makakailang mga gwapo nga ang mga Canadian ngunit hindi ko type ang mga ito.

"Sakit lang sila sa ulo!" Walang ganang saad ko.

"Paano mo makakalimutan ang ex-boyfriend mo kung hindi ka hahanap ng papalit sa kanya? Siya lang ba ang may karapatan humanap ng iba?"

Inirapan ko lang si Aurura. Ngunit tama nga naman ang sinabi nito. Kailangan kong makanahap ng iba para makalimutan ko ang walang hiya kong ex.

Pagkaraan ng ilang minuto ay dumating na ang drinks na aking inorder. Agad kong sinimsim ang alak habang abala sa panunuod sa mga masasayang nagsasayaw doon.

Nangangalhati pa lang ang alak sa aking baso ngunit nag-order ulit si Aurora. Naubos na pala ang alak nito.

'Mukhang hindi lang ako ang may problema dito' sa isip-isip ko. Hindi mo mahahalata sa babae na may problema ito dahil masayahin at palaban ito.

"Friend, sayaw tayo!" Saad ni Aurora.

Wala akong nagawa nang hilahin niya ako sa gitna ng dancefloor.

Maraming naghihiyawan habang sumasayaw. Sumasabay sila sa bawat beat ng tugtog. Nakita kong masayang nagsasayaw si Aurora kaya naman ay nakisali na rin ako. May mga lalaking lumapit sa amin upang makipagsayaw. Masaya pero mas gusto kong maupo na lang at uminom.

"Friend, upo na muna tayo! Pagod na ako eh!" Reklamo ko kay Aurora. Pasigaw ko iyong sinabi sa kanya dahil halos hindi na kami magkarinigan dahil sa malakas na tugtog. Ngunit halatang nag-eenjoy pa ito kaya naman iniwanan ko muna siya.

Bumalik na ako sa aming lamesa at muli akong nag-order ng alak.

Nakakailang baso na ako ngunit hindi pa rin bumabalik si Aurora. Hindi na rin niya ito makita dahil maraming tao na ang nagsasayaw doon.

Inilibot ko ang aking paningin sa loob ng bar, baka napunta na sa ibang table si Aurora.

Paglingon ko sa isang sulok ay namataan ko ang isang tila pamilyar na lalaki. Madilim sa gawing iyon ng lalaki ngunit may iilang liwanag ang tumatama sa mukha nito. Sumasakit na ang aking ulo kakaisip kung saan ko ba nakita ang lalaking iyon.

Mag-isa lang ito at mukhang marami na din ang nainom. Mabilis akong nag-iwas ng tingin dito nang lumingon siya sa akin.

'OhmiiGod!' Ito 'yong lalaking nakabungguan ko kanina. Nakilala kaya niya ako?

Nagulat ako sa pagyakap niya sa akin kanina, pero hinayaan ko lamang iyon dahil gumaan ang pakiramdam ko. Isang mahigpit na yakap lang ang ibinigay sa akin ng lalaki pero naramdaman kong nawala lahat ng sakit nararamdaman ko noong mga oras na iyon.

Pasimple ko ulit tiningnan ang lalaki ngunit hindi na siya nakatingin sa akin. 'Hmmm.. mukhang hindi naman niya ako natandaan.'

May isang matandang lasing na lalaki ang biglang lumapit sa akin. Nakakatakot ang hitsura nito.

"Hi Miss beautiful..Are you alone? Can I join you?" Nakangising wika nito.

Matamang pinagmamasdan nito ang aking katawan. Nakaramdam ako ng kaba dahil mukhang manyak ang matandang iyon.

"A-ahmm.. I'm sorry sir but.. I was with my boyfriend, he just went to the comfort room." Kalmadong saad ko dito. Hindi ako nagpahalatang kinakabahan ako.

'Fvck!' Isang malutong na mura ang pinakawalan ko sa aking isip. Napansin kong tila hindi ito naniniwala sa sinabi ko.

"Looks like your boyfriend left you miss, I've been seeing you alone for a while!" Nakangisi pa rin nitong usal. Sinisipat nitong mabuti ang ang katawan. "You're hot, little girl."

Unti-unting nanginig ang buo kong katawan ng tila walang balak umalis ang lalaking iyon. Napansin ko din na may iba pa itong mga kasama.

Asan na ba kasi si Aurora? Kailangan na namin makaalis dito.

Lasing na ako at wala na akong lakas para lumaban pa sa mga lalaking ito.

Tumayo na ako at aakmang aalis na ngunit pinigilan ako ng lalaki. Marahas niyang hinawakan ang braso ko. Napansin ko din sa dulo ng aking mga mata na naglapitan na ang iba pa niyang mga kasama.

'Oh my God! Ano ba itong napasok ko.'

"Where are you going, little girl? I'm still talking to you."

****

Sa kabilang banda, tahimik na nag-iinom si Elijah sa isang sulok. Napansin niya pagpasok ng isang babae sa bar na iyon. Hindi inaasahan ni Elijah na muli niyang makikita ang babaeng nakabungguan niya kanina.

Hindi muna siya lumapit dito, hinayaan muna niya itong mag-enjoy. Pinagmamasdan lang niya ito mula sa malayo.

Medyo lasing na ang babae kaya naman napagpasiyahan niyang lapitan na ito. Bago pa man siya makalapit ay may isang lalaking nauna nang nakalapit sa babae. May mga kasamahan pa ito sakabilang table. Mukhang may hindi magandang gagawin ang mga ito.

Bigla niyang niyukom ang kanyang mga kamay, pinipigilan niya ang kanyang sarili na lumikha ng gulo.

"Let her go and stay away from my girlfriend!!" Isang malamig na boses ang pinakawalan ni Elijah.

Napalingon sa kanya ang lalaki. Binitawan naman nito ang babae ng makita madilim ang awra ng binata.

Tiningnan niya ang babae. Bakas pa rin sa mukha nito ang takot. "Are you okay, honey?" Tanong ni Elijah dito. Marahang tumango naman ito sa kanya.

"I'm sory! I thought she was alone." Dismayado namang saad ng lalaki kay Elijah. Mukhang nanghinayang ito ng malaman na may boyfriend na ang babae. Umalis na lang ito at bumalik sa table kung saan nandoon ang mga kasama nito.

Naramdaman na lang ni Elijah na yumakap sa kanya ang dalaga.

Lihim siyang napangiti dahil dito.