CHAPTER 17

Matapos makita ni Brett ang pag-alis ni Thyra ay agad niyang inilabas ang kaniyang cellphone at may tinawagang tao.

"I will send footage from my CCTV. But the shot was only up to the front of the main gate. I want you to find her location, and tell me where she is," kunot-noong sambit niya.

Huminga siya nang malalim at pinatay ang tawag.

Agad niyang ipinasa ang kuha ng CCTV. Kita na roon ang ilang minutong pahintu-hintong paglalakad ni Thyra patungo sa main gate kaya nakaramdam ng guilt si Brett.

Nahagip ng mata niya ang salamin sa loob ng kaniyang opisina at nakita ang sarili. Hinawakan niya ang pasa sa kaniyang bibig, pati na rin ang ibaba ng kaniyang mata na nakuha niya sa lakas ng sampal ni Bettina.

Napapikit siya nang maalalang nasaktan niya si Thyra.

"I pushed her hard again."

Naupo siya at pilit na nagpokus sa trabaho niya.

Makalipas ang ilang oras ay nag-ring ang kaniyang cellphone. Agad niyang inilayo ang sarili sa laptop at sinagot iyon.

"Sir, we found her. She went to the h