CHAPTER 27

[[Trigger warning!]]

Pagkarating namin sa Manila ni Ara hindi pa rin talaga niya ako iniwan. Hanggang sa makapasok ako sa condo unit ko ay naroon pa rin siya. Kulang na nga lang ay itulak ko na siya palabas ng unit para lang iwan niya na ako.

"Seniorita gusto ko na lang din dito. Gusto ko kasama kita, ayaw kitang iwan... hindi ko kaya."

Napahilot ako sa aking sintido at mariing tumitig sa kaniya. Kahit nananakit pa ang likod ko'y pinilit kong ipakita sa kaniya na kaya kong kumilos mag isa. Pero ang magaling kong tagapag-alaga ay sadyang makulit.

"Ara, umuwi ka na! Gagabihin ka sa biyahe, isa pa darating din naman si Zafy mamaya!"

"Pero-"

"Naiinis na ako sa 'yo Ara!" putol ko sa kaniya at pinanlakihan siya ng mata. "Kapag hindi ka pa umalis ngayon, tatalon na ako mula sa bintana at kasalanan mo 'yon!" dagdag ko pa na ikinaawang ng bibig niya.

Sukat sa sinabi ko ay kaagad niya akong niyakap at hinalikan sa ulo. "Magpakabait ka Seniorita, magbabakasyon lang ako pero pangako babalikan ki