CHAPTER 18

Buo na ang desisyon ko na bumalik sa America, dahil wala naman ng dahilan upang manatili pa ako rito sa Pilipinas. Panatag at makakahinga na rin ako ng maluwag dahil masaya na si Ayesha. Ngunit nang malaman ko ang dahilan ng pag tawag ng pinsan kong si Zafy, ay kaagad na bumyahe ako patungong Mariveles. Hindi ko siya maaaring iwanan sa sitwasyong kinahaharap niya ngayon.

Isinantabi ko na rin muna ang sarili kong problema, dahil kailangan ako ng pinsan ko. Ngunit bago ako pumunta sa Rancho Mejia, tinahak ko na muna ang daan patungo sa amin. Ang lagur kung saan sinabi kong hindi na ako muling aapak pa. Pero tignan mo nga naman, heto ako ngayon at malayang tinatanaw ang karatula patungo sa kinalak'han ko.

Bienvenida a Rancho Avilla

Halos anim na taon na rin pala simula ng tinakasan ko ang lugar na ito. Gaya ng dati, mga naglalakihang puno ng niyog, nagkalat na damong ligaw at sariwang hangin. Iyon ang sasalubong at una mong makikita bago makapasok sa Rancho Avilla. Mula sa ninuno hangga