Chapter 27

Pagkatapos ng pag-uusap namin ni Sebastian, tahimik akong bumalik sa mesa ko. Hindi ko maalis sa isip ko ang mga huling sinabi niya. *"I’m here."* Sa kabila ng lahat, may bahagi ng sarili ko na tila humahanap ng kalma sa kanyang mga salita. Pero alam kong hindi ko maaaring hayaan na magmadali ang mga bagay-bagay.

Maya-maya’y lumapit ang aking katrabahong si Claire, may hawak na folder ng mga papeles. “Evelyn, may mga kailangan kang pirmahan para sa bagong project,” sabi niya, iniabot ang mga dokumento.

“Salamat, Claire,” sagot ko, sinisikap na ituon ang atensyon ko sa trabaho. Kailangan kong mag-focus. Ang daming mga bagay na nagbabantang sirain ang katahimikan ng isip ko, kaya't kailangan kong bumalik sa ginagawa ko.

Habang tinatapos ko ang mga papeles, bigla akong napatigil nang narinig kong bumukas muli ang pinto ng opisina ni Sebastian. Agad ko siyang nakita mula sa gilid ng aking mga mata, naglalakad papunta sa akin.

"Evelyn," sabi niya nang mahina, ngunit may kumpiyansa. "Do yo