chapter 3

"Ma'am Selena, nariyan po si Mr. Steven, hinahanap niya po kayo."

Dumilat ang mata ko at saglit na umikot sa paligid, sumunod nakita ko si Dalia.

"Bukas po ang pinto kaya pumasok na ako dahil hindi po kayo sumasagot."

Paliwanag ni Dalia, nakatulog ako dahil sa lambot ng higaan ko at unan na rin.

"Nandiyan si Steven?" Paglilinaw ko na tanong at tumango si, Dalia.

"Mag-shower po muna kayo para mapreskohan kayo." nakangiting ani ni, Dalia.

"Hindi na." Sagot ko at tinungo ko ang pinto para lumabas na.

"Pero ma'am!"

Hindi ko na pinansin si Dalia, dahil bakit kailangan ko pang mag-shower para kay, Steven? Isa pa kakagising ko lang kaya wala ako sa mood maligo.

Napalingon ako sa likuran ko dahil mahaba ang pasilyo, inaalala ko sa isipan ko ang dinaanan namin kanina hanggang sa makita ko ulit ang malaking litrato ng papa ni, Selena. Saglit ko lang iyon tiningnan at nagpatuloy na ako sa paglalakad.

Nakarating ako sa hagdan at dahan-dahan na bumaba ako doon, ngunit natigilan ako dahil may lalaking napahinto rin at nakatingin ngayon siya sa akin at walang iba kung hindi si,Steven.

Wala akong mabasa sa mukha niya pero titig na titig siya sa akin, presko ang itsura niya at maayos ang pagkakatayo niya suot ang kulay silver na suit. Para siyang model sa isang magazine, pero napakaseryoso ng kaniyang mukha.

"Selena, mabuti at gising ka na pala. Bakit hindi naligo muna at-"

"Hindi na kailangan."

Si Lolita na biglang lumitaw, pero mas naagaw ng atensyon ko ang boses ni Steven ang sarap lang sa tenga ang boses niya.

"Kung ganun halika na hija, dahil may mahalaga tayong pag-uusapan."

Aya sa akin ni Lolita, tumango lang ako at nagpatuloy na sa pagbaba at naupo kami sa malambot at mahabang sopa na kulay krema.

"Hindi na ako magtatagal pa dito dahil marami akong inaasikaso, gusto ko lang malaman ang tungkol sa aming kasal?"

Tahimik lang ako at kailangan ko makininig ng mabuti, pero napapansin ko na palihim na tinitingnan ako ni, Steven.

Ano kaya ang nasa isip niya? Baka naman iniisip niya na ibang tao ako? na hindi talaga ako si, Selena.

"Bueno, itong linggo na darating ay itutuloy na natin ang naudlot na kasal. Dahil mukha naman na nasa kundisyon na ang katawan ni, Selena."

Nilingon ako ni Lolita, marahan na tumango lang ako at sumunod sinulyapan ko si, Steven.

"Miyerkules ngayon at may apat na araw pa. Kung ganun hahayaan ko muna na makapagpahinga ng mabuti si, Selena. Upang sa ganun ay manumbalik ang kaniyang lakas."

"Maraming salamat Steven alam kong hindi ka na makapaghintay na pakasalan ang aking pamangkin."

Nakatingin ako kay Lolita na sobrang saya pero naroon ang piling ko na walang katotohanan ang saya sa ipinapakita niya. Samantalang kahit konting ngiti man lang kay Steven, wala kang makikita.

"Kailangan ko ng umalis." Paalam na agad ni, Steven.

"Selena, kumain ka ng mabuti dahil mukhang pumapayat ka."

Puna sa akin ni Steven, napatingin naman ako sa katawan ko at oo mediyo pumayat nga ako dahil sa stress  nitong mga nakaraan dahil sa pag-iisip kung saan ako kukuha ng pera sa operasyon ni mama.

"Maligo ka muna bago tayo kumain."

Napatango lang ako kay Lolita, at nakita ko si Dalia na narito na at mukhang iniintay niya ako.

Nagbalik ako sa aking silid para maligo, dinala ako ni Dalia sa napakalaking banyo. Halos parang silid na rin iyon dahil sa sobrang laki, may malaking bathtub na may pink na rosas at pula at ang bango-bango dito sa loob.

"Maaari na kayong maligo nakahanda na ang lahat."

Hindi na ako nakasagot pa kay Dalia, lumabas na ito at naiwan akong mag-isa dito. Hinubad ko na ang lahat ng aking suot, pakiramdam ko para talaga akong prinsesa o isang reyna dahil sa ganitong mga nararanasan ko.

Dinama ng hubad kong katawan ang mabangong tubig at ipinikit ko ang aking mata ng malubog na sa tubig ang buong katawan ko.

Saan kaya nila dinala ang katawan ni, Selena?

Napadilat ang mata ko dahil sa biglang naisip ko, nakaramdam ako ng kilabot at pananayo nang balahibo ko.

-----------

Matapos kong maligo at makapagpalit ng isang simpleng bistida na kulay abuhin dahil wala akong ibang makita rito sa kabinet. Halos puro bistida ang nakikita ko, may mga pantalon naman pero hindi naman ako sanay magsuot ng pantalon kung nasa loob lang ng bahay. Wala ring short dito kaya wala akong nagawa kung hindi bistida na lang ang sinuot ko.

"Okey na po ba kayo? Nakahanda na ang pagkain."

"Nandoon na si Loli- ibig kong sabihin si Tita Lolita?" pagtatama ko sa maling sasabihin ko.

"Naroon na po sila at ikaw na lang ang kanilang hinihintay." sagot ni, Dalia.

Hindi na ako sumagot at lumabas na ako ng pinto, tinungo namin ni Dali ang dining area. Pagdating ko roon naroon na si Henry ang asawa ni Lolita, magkatabi silang dalawa.

Ang dami naman ng pagkain tapos kaming tatlo lang ang nakaupo dito? Sandali nga, kami lang ba ang nandito?

"Selena, maupo ka na sa iyong puwesto."

Tiningnan ko si Lolita dahil sa sinabi niya at uupa na sana ako sa upuan na malapit sa akin.

"Ma'am, dito po kayo nakaupo."

Natigilan naman ako sa tinuro ni Dalia, sa pinagitna at sentro ng hapagkainan. Tumango na lang ako at naglakad, naiilang pa akong naupo dahil sa puwesto ko.

"Nag-iisang anak ka ng kapatid ko kaya naman diyan ka dapat maupo, ipapaalala ko lang sa'yo."

Seryoso ang mukha na pagkakasabi ni Henry sa akin.

Inasikaso ako ni Dalia at inaalok ng mga pagkain na naroon sa lamesa, ilan ng ang nakain ko dahil hindi ko malaman kung ano ang kakainin ko.

Habang tahimik kaming kumakain ay may pumasok na lalaki at yumuko muna biglang panggalang.

"Magandang hapon po sa inyo, ipinadala po ako rito ni Mr.  Guevara, upang ipasundo si Ma'am Selena."

Natigilan naman ako at nagkatinginan kami ni Lolita at ni, Henry.

"Bakit saan sila pupunta?" Tanong ni Lolita.

"Pasensiya na po dahil wala pong sinabi si Mr. Steven Guevara." Paumanhin nitong lalaki.

"Okey, Selena. Bilisan mo ng kumain riyan para makapaghanda ka sa iyong susuotin."

Tumango ako at nakaramdam ako ng excitement dahil sa aalis ako na hindi kasama si Lolita. Ibig sabihin malaya ako mamaya, kahit si Steven ang kasama ko.