Chapter 81-Pagtatapat

"Mahal mo pa rin ba ang lalaking iyon?" tanong ni Fausto sa apo habang nang aarok ang tingin dito.

Nakagat ni Stella ang loob ng gilid ng labi at hindi masalubong ang tingin ng abuelo.

Napabuntonghininga si Fausto at dumukwang upang maabot ang apo. Magaan na inilapat ang kanang palad sa balikat nito at pinisil iyon. "Apo, huwag mo akong alalahanin. Mahalaga pa rin sa akin ang damdamin mo sa maging asawa. Kung mahal mo pa rin siya ay madaliin ko na ang kasal ninyong dalawa."

"Pero paano po si Mauro?" nakukunsemsya si Stella para sa binata. Parang pinaasa niya lang kasi ito na dito niya gustong magpakasal.

"Hindi na importante ang bagay na iyan sa ngayon. Hawak ni Charles ang singsing at alam mo kung gaano kahalaga iyon sa akin."

Nakakaunawang tumango si Stella sa abuelo. Nababahala rin siya sa kompanya at baka pumanig na lahat sa side ng pinsan ng abuelo ang mga board of directors. Kaya naman niyang pamahalaan ang kompanya at lumaban ngunit sadyang mahina ang tingin sa kaniya ng karam