Book 4: Chapter 79-Rejection

Nagmamadaling bumaba ng kama si Jenny at lumabas ng silid. Alam niyang gabi na at gusto niyang maiyak sa isiping iniwan na siya doon ni Rafael.

"Anak, mabuti naman at gising ka na. Gis—" hindi naituloy ni Stella ang sasabihin nang mapuna ang hitsura ng anak. "What's wrong?" Nilapitan niya ito at sinalat ang noo kung mainit ba dahil nagluluha ang mga mata nito.

"Iniwan na niya ako!" Umiyak na si Jenny na parang inapi.

Sandaling natigilan si Stella at napaisip kung sino ang nang iwan sa anak.

"Bakit hindi niya po ako ginising bago umali?" Masama ang loob na paguloy niyang sumbong sa ina.

"Si Rafael ba ang hinahanap mo, hipag?" tanong ni Alexa habang sumusubo ng chips.

Humihibi na tumango si Jenny.

Natampal ni Stella ang noo at hindi nahulaan kung sino ang hinahanap ng anak. Mukhang na fall na nang husto ang anak niya kay Rafael at ipinag aalala niya iyon. Hindi ito maaring mabigo.

"Nasa guest room siya at nilasing ng mabait kong asawa." Turo ni Alexa sa room na katabi ng silid ni Jenn