Book 4: Chapter 77-Kusensya

"Dumiritso na pala tayo ng uwi sa bahay."

Sandaling sinulyapan ni Rafael ang dalaga habang nagmamaneho. "Are you sure?"

"Yes, biglang sumama ang pakiramdam ko at gusto kong mahiga." Isinandal niya anv ulo sa balikat ng binata. Totoong nakaramdam siya na parang lalagnantin na naman.

Sinasalat niya ang noo ng dalaga, hindi naman mainit pero nag aalala pa rin siya. "Gusto mo bang dumaan muna tayo sa doctor?"

Umiling si Jenny, "maging ok din ako mamaya.

Sandaling itinigil ni Rafael ang sasakyan sa isang tabi at inayos sa pagkaupo ang dalaga. Mukhang inaantok pa ito at ayaw umalis sa pagkasandal sa balikat niya. "Doon ka muna sa likod upang makahiga." Masuyong niyang kausap sa dalaga at hinalikan ito sa noo.

Namumungay ang mga mata dahil sa antok na nag angat ng tingin si Jenny. Ayaw niya sanang umalis sa tabi ng binata ngunit mahirapan itong magmaneho.

Isinandal niya muna sa upuan ang ulo ng dalaga bago bumaba at binuksan ang kabilang pintuan. Bubuhatin niya sana ito ngunit tumanggi. Mabu