Chapter 88-Pangangailangan

Sinuklay ni Stella ang may kahabaang buhok ng binata habang nakasubsob ito sa balikat niya. Tulad niya ay habol hininga din ito matapos na mailabas ang init sa kanilang katawan. Napangiti siya nang umungol ito nang mahina at mukhang pilit na nilalabanan ang antok na gumugupo dito ngayon.

Nilingon ni Stella ang cellphone na nasa tabi nila. Naka off screen na iyon at tiyak na ang pinsan na ang pumutol sa tawag ni Charles. Muli niyang hinaplos ang buhok ng binata nang maramdamang malalim na ang paghinga nito. Hindi niya ininda ang bigat nitong nakadagan pa sa kaniya. Hinintay niya lang na maging malalim ang pagtulog nito bago dahan-dahang tinulak ang bulto nito paalis sa pagkadagan sa kaniya.

Tumagilid siya nang higa nang mahulog na sa kama ang katawan ng binata. Mataman na pinagmasdan ang guwapong mukha nito. Ang amo rin tingnan at mukhang santo na hindi makagawa ng masama sa kapwa kapag natutulog. Nadadaya talaga nito ang puso niya dahil tumibok iyon dito kahit hindi maganda ang uga