Chapter 110-Prime suspect

Mukhang natuod na si Diana sa kinatayuan nang bigla siyang yakapin ng kapatid. Yakap na kulang na lang ay pisain siya sa sobrang higpit niyon.

"Diana hija, agad kaming sumugod dito ng kapatid mo nang mapanood ang balita. Sobra kaming nag aalala sa iyo."

Napalunok ng sariling laway si Diana nang marinig ang tinig ng abuelo. Sa ibang taong nakakarinig sa sinabi nito ay masabing sobra siyang mahal ng matanda at concern.

"Mr. Vincent, pasensya na kung na delay ang pag akyat niyo dito. Kung ako lang ang masusunod ay manatili sana sa pangangalaga ko ang apo niyo." Bati ni Charles sa matanda.

Ngumiti si Vincent sa binata at nakipagkamay dito. "Naintindihan namin ang sitwasyon. We're glad at ligtas kayong lahat. Pero kailangan kong kunin ang apo ko at kaya ko siyang pangalagaan."

Ngumiti rin si Charles sa matanda at gumanti ng mahigpit na pakipagkamay dito. "Asahan niyo po na laging nasa inyo na ang mga mata ko mula ngayon." Makahulugan niyang turan.

"Aalis na kami, kung ano man ang nangyari