Book 4: Chapter 54-Sundo

"Sir, nandito na po tayo."

Napatingin si Rafael sa mataas na gate ng bahay nila Jenny. Ilang sandali pa ay bumukas ang gate at pinapasok na sila ng guard.

"Hijo, napadalaw ka?" bati ni Stella sa binata. Tama lang din nakakauwi nila ng anak niya.

"Magandang hapon po, ma'am, susunduin ko lang po si Jenny at sa bahay siya maghahapunan."

Napangiti si Stella, alam niya ang lakad ng mga ito ngayon na ang akala ng anak ay hindi matuloy. Isa iyon sa ikinamamaktol ng anak kanina pa. "Sandali, hijo, at tatawagin ko siya."

Nanatiling nakatayo si Rafael kahit pinauupo muna siya ng ginang. Naiinip siyang hinintay niya ang dalaga.

Pagpasok ni Stella sa silid ng anak at nakasimangot itong nakatingin sa sarili at nagkalat ang pinamili sa sahig at kama. Mukhang lahat na ay sinusukat.

"Mom, hindi ba ako mukhang pokpok sa suot kong ito?" Idinipa pa ni Jenny ang mga kamay at humarap sa ina.

Napangiti si Stella at nilapitan ang anak. "Anak, lahat ay bagay sa iyo. Saka iyang suot mo ay ang sexy mong tin