Book 4: Chapter 60-Kawalan ng gana

Hindi sila naghintay nang matagal at mabilis na dumating ang pagkain in-order ni Rafael para kay Jenny.

Nakaalalay pa rin sa kaniya si Rafael pabalik sa loob ng dining room. Pagbukas ng box na pinaglagyan ny pagkain ay personal na rin inayos ni Rafael at ayaw mahawakan kay Alice. Naaawang tingin ang ipinukol niya sa ginang na alam niyang nasaktan sa malamig nang pakitungo ng binata.

"Rafael, ito ang paborito mong pagkain." Ipinagsandok ni Tanya ng ulam si Rafael.

Nang makita ni Jenny na nilagyan ni Tanya ng ulam ang plato ng binata ay mabilis niyang sinubuan si Rafael. "Mahal, try mo itong order mong pagkain para sa akin at ang sarap."

Walang pagdalawang isip na ibinuka ni Rafael ang bibig habang inaayos ang pagkain sa plato ni Jenny.

Napahigpit ang hawak ni Tanya sa kutsara at parang sasabog ang dibdib niya dahil sa galit at selos na nadarama. Kung asikasuhin ni Rafael ang babae ay parang baby nito. Hindi manlang naiisip na naroon siya at maaring masaktan.

Hinawakan ni Alice ang kam