Book 4: Chapter 59-Dissapoint

Ang sarap ng pakiramdam ni Jenny habang buhat siya ng binata in bridal style. Mula sa pagkapatong ng ulo sa braso ni Rafael ay sinilip niya ang dalawa. Halos umusok na ang ilong ng mga ito habang nakasunod ang tingin sa kanila. Ngumisi siya sa mga ito upang lalong galitin.

"Bakit mo ako pinigilan, hija? Nakita mo iyon? Hindi totoong nahirapan siyang huminga kanina at siya ang nagpahamak sa sarili niya kaya nagkaroon ng mani ang pagkain niya!" Nanggigil na turan ni Alice.

"Manang, lalo ka lang mapasama sa mga mata ni Rafael kapag sinabi mo ang katotohanan. Hindi siya maniniwalang ang babaeng iyon mismo ang naglagay ng peanut sa pagkain upang ipahamak ang sarili!"

Mukhang natauhan si Alice at unti-unting kumalma. "Tama ka, ang salbahe talaga ng babaeng iyon! Katulad noong una, ikinalahat niya ang basura sa kusina at pinadulas ang sarili sa sahig upang mapagalitan ako ni Rafael!"

Naaawang niyakap ni Tanya ang ginang. Naunawaan niya ito dahil tulad ng ginang ay galit siya kay Jenny. Ngun