Book 4: Chapter 61-Iritasyon

"Rafael, may dala nga pala akong alak galing sa Italy at alam kong paborito mo iyon. Puwede bang buksan natin ngayon at mag inum tayo ng kahit kaunti?"

Tumikwas ang kilay ni Jenny nang marinig ang sinabi ni Tanya sa binata. Binagalan niya ng hakbang upang marinig ang isasagot ni Rafael. Galing kasi siya sa banyo at mukhang sinamantala ni Tanya habang solo ang binata.

Napatingin si Rafael sa suot na relo bago tumingin kay Tanya. "Hindi ako puwedeng malasing ngayon at kailangan ko pa ring ma monitor si Jenny."

Pinigilan ni Tanya ang mapasimangot. Pilit siyang ngumiti at pinakita sa binata na naunawaan niya. "Nag alala din ako sa kaniya, kung gusto mo ay samahan ko siya sa kaniyang silid mamayang pagtulong upang—"

"Thanks, pero huwag na at ako ang katabi niya sa pagtulog kapag nasa poder ko siya." Putol ni Rafael sa pagsasalita ni Tanya habang nakatutok ang tingin sa laptop.

Bahagyang nanlaki ang mga mata ni Tanya at hindi makapaniwalang nakatitig kay Rafael. Hindi niya akalaing nagtata