Kabanata 4

Two weeks Later..

Maagang umalis ng Mansyo ang bawat pamilya. Ngayon ang araw na itinakda para sa kasal nila Calix at Clarissa.

Kasalukuyang nasa loob ng kwarto si Clarissa sa isang five star hotel at umiiyak pa rin ito hanggang ngayon. Buong akala nga niya ay naubos na ang kanyang luha kaso nagkamali pala siya. Mas lalong bumaha ng luha ngayon. Katatapos lang rin siyang ayusan ng mga stylist at kalalabas lang ng mga ito, dahil ngayon ang araw ng kanyang kasal. Nakatingin lang siya sa salamin at lumuluha hindi matigil ang pagpatak ng luha ng kanyang mga mata. Marahil kung si Daryl sana ang kanyang nobyo ang mapapangasawa niya ngayon siguro hindi ganito ang kanyang mararamdaman. Daryl is her first boyfriend. Anak siya ng isa sa staff sa kumpanya ng pamilya nila Clarissa. Nagkapalagayan sila ng loob ng nagtrabaho si Clarissa sa kanilang kumpanya sa kagustuhan ng kanyang daddy para raw matuto na siya sa pagpapatakbo ng isang negosyo. Ngunit, hindi akalain ni Clarissa na doon pala niya makikilala si Daryl. Ang kanyang mahal na nobyo. Kung babalikan niya ang alala na meron sila masasabi niya na ito'y napaka kulay at maganda. Napaka smooth lamang nang relasyong meron sila kahit na ito'y patago. Ayaw kasi ni Clarissa na malaman ng mga magulang niya ang ugnayan nila dahil panigurado siyang kokontra ito. At hindi nga siya nagkamali ng malaman ng Mommy niya ang tungkol sa relasyon nilang dalawa ni Daryl, nagalit ito at pinagbawalan na siyang magpunta ng kumpanya at higit sa lahat ay pinatalsik nito si Daryl at sinabing nagnakaw ito sa kumpanya nila kahit hindi naman totoo. Kilala niya ang kanyang boyfriend at alam niya na hindi nito kayang magnakaw sa kumpanya nila.

Nakatingin lang siya sa salamin at tulala mabuti na nga lang ay water proof ang make-up na nilagay sa kanya kundi magmumukha siyang bruha talaga ngayon. Pinasadahan niya ang mukha sa salamin. Masasabi niyang napakaganda niya kaso banayad pa rin ang lungkot sa kanyang mga mata na hindi niya maitatago. Mahigit isang oras na yata siyang nasa loob lang ng unit at nagmumuni muni. Nang makarinig siya ng katok mula sa pintuan. Mabilis siyang nagpahid ng luha at alam naman niya na ang Mommy niya ang nakatok. Tumayo na siya at pinag buksan ito at kilala niya ang kanyang Mommy ayaw na ayaw nito na pinaghihintay ng matagal. At tama nga siya sa kanyang sapantaha ito ang nasa labas.

Pumasok ito sa loob at lumapit sa kanya.

“May kailangan ka ba Mom?” matabang na tanong niya rito. At pinapahalata talaga niya na galit siya rito. Wala namang hindi magagalit sa pakikialam mg mga magulang lalo na ang kanyang Mommy. Na siyang dapat na nagtatanggol sa kanya at nagpapasaya hindi nagbibigay ng sakit ng kanyang nararamdaman ngayon.

“Wala naman akong kailangan sayo hija. Sinisigurado ko lang na hindi mo kami ipapahiya sa mga Montecillo at baka itakwil na kita kung gagawin mo iyon sa amin ng daddy mo. Ayusin mo ang sarili mo mukha kang hindi magpapakasal.” saway nito. Halata yata nitong umiyak siya. Sino ba kasing sasaya na magpakasal sa lalaking hindi mo na nga mahal, kinaiinisan mo pa. Haixt!! Isang malalim na buntong hininga ang kanyang pinakawalan. Bago siya magsalita at nang malaman naman nito ang kanyang nararamdaman, baka sakaling maawa nga ito sa kanya.

Lumabas na ang kanyang Mommy pagkatapos siyang sermunan.. Maya maya lang rin may babaeng pumasok sa loob at inalalayan na siya palabas ng unit. Medyo mahaba ang laylayan ng wedding dress niya kaya may naka alalay rito. Hanggang sa makalabas siya ng unit at makasakay ng bridal car patungo sa simbahan. Kung saan gaganapin ang kanilang kasal. Palinga linga siya sa labas at nag-iisip kung tatakas ba siya pero, sa bilis magmaneho ng driver bihirang mabuhay siya kung tatalon siya mula sa loob ng bridal car. Kaya natahmik na lang siya at naghintay ng tamang pagkakataon.

Habang si Calix naman ay handa na at wala lang naman sa kanya ang kasal na ito. Pimag bigyan lang talaga niya ang mga magulang niya. Nauna na siya sa simbahan at maramirami na ring bisita ang naroon. May ibang kaibigan siya na hindi makapaniwala na ikakasal na nga siya. Sa kagaya niyang playboy hindi sila makapaniwala na magsesetlled down na nga siya. Puro kantyaw pa nga ang inabot niya sa bachelor party niya. Ewan ba niya sa parents niya bakit may pa ganon pa e, maghihiwalay rin naman sila ni Clarissa pagkatapos ng dalawang taon ayon ang kanilang napagkasunduan. Naalala niya kasi na may nobyo ito at hahanapin raw nito. Hindi na nga lang niya matandaan kung ano nga ba ang pangalan ng lalaki.. At wala naman na siyang pakialam pa roon. Basta ang mahalaga matapos ang kasunduan nila at makapag proceed na sila sa kani kanilang buhay. Wala naman ng magagawa ang mga magulang nila kung talagang hindi sila magkasundong dalawa.

Maya maya lang nang kaunting oras na kanyang paghihintay.

Nang magsimula nang tumugtog ang wedding song at naglalakad na ang mga flower girl, ring bearer at little bride at groom maging ang kani kanilang bridesmaid at groomsmen. Mas na excite siya na makita si Clarissa kahit hindi naman totoo ang kanilang kasal gusto lang niyang makita ang ayos nito. Nang naglalakad na ito para na naman siyang napatulala tila tumigil ang pag-inog ng mundo niya at wala siyang ibang makita kundi si Clarissa lamang. Ang napakagandang si Clarissa taliwas sa dating bata na tabachoy.

Natigilan lang siya ng iabot ng daddy nito ang kamay ni Clarissa sa kamay niya at nagmano na rin siya sa magiging future in-laws niya. Syempre tanda iyon ng paggalang at nasa kultura na rin nila.

Pagkahawak niya sa malamig na kamay nito. Hinarap na niya si Clarissa sa dambana at nagsimula ng magseremonyas ang pari. Mahaba habang proseso at ewan ba niya kung may naintindihan nga ba siya sa mga ito basta ang gusto lang niya ay matapos na ang kasal kasalan nila at nangangati na rin siya sa suot niya. Pero, naweweirduh-an naman siya sa katabi niya na tila tulala at lumuluha. Gusto niyang mahabag sa nararamdaman nito batid niyang masakit para sa babae ang magpakasal sa lalaking hindi naman niya minamahal. Miski siya kung may girlfriend ngayon baka umatras rin siya sa kasal nila.

Natapos ang seremonyas at narinig na lang niya ang sinabi ng pari. “By the authority invested in me, I now pronounce you, husband and wife. You may now kiss the bride!” ani ng Priest.

Hindi naman siya agad nakagalaw at nakatutok kasi siya kay Clarissa na umiiyak pa rin. Pasimple niyang siniko ito at nagets naman ni Clarissa sabay punas ng kanyang luha ng pasimple. Tinaas na niya ang veil nito at dinampian niya ang gilid ng labi nito. Narinig na lang nila ang masigabong palakpakan ng mga bisitang naroon at ang galak ng kani kanilang mga magulang..

Muling nag salita ang Priest.

“It is my pleasure to introduce to you for the first time. Mr and Mrs. Calix Montecillo..

Lalong lumakas ang palakpakan ng mga tao. At maya maya lang isa-isang nagsipag lapitan ang mga taong kasama sa pictorial. Lahat sila masaya taliwas sa nararamdaman ni Clarissa na parang pinagsakluban ng langit at lupa. Habang si Calix naman ay ini-enjoy lamang ang mga bawat kaganapan. Nang matapos ang pictorial inalalayan na niya si Clarissa pababa ng hagdanan hanggang sa makalabas sila ng simbahan. Sumakay sila ng bridal car ni Clarissa at si Calix na ang nagmaneho. Tulala pa rin si Clarissa at umiiyak gusto nang mainis ni Calix pero, nirespeto na lang niya ang nararamdaman ng kanyang kabiyak.

Nakarating sila ng venue ng matiwasay. Isang nakakabinging musika ang bumungad sa kanila at mga ingay ng mga bisita na nagkakasiyahan na. Katatapos lang magpalaro ng host kaya masayang masaya ang mga bisitang dumalo sa kasal nila.

Nang nakaupo na sila sa throne. Isang pamilyar na mukha ang nasilayan ni Calix at hindi siya pwedeng magkamali si Cassandra ito ang kanyang ex-girlfriend na nang iwan sa kanya sa matagal na panahon…