Kabanata 3

Medyo may hang-over pa sa dami ng alak na kanyang nainom kagabi. Nang bumaba siya sa sala papungas pungas pa nga siya. Nagtataka si Calix kung bakit bihis na bihis ang kanyang mga magulang ngayon. Biniro pa nga niya ang mga ito. “Wow! Bihis na bihis yata kayo, Mom and Dad. May business ventures kayong a-attend-an?” tanong niya.

Kumunot ang noo ng kanyang daddy ng makitang hindi pa siya bihis. “Bakit hindi ka pa nag aayos?” tanong nito.

“Bakit, kasama ba ako dad sa pupuntahan niyo ni Mommy?” tanong ni Calix ng sagutin ang tanong ng kanyang daddy.

“Oo, ngayon ang papamanhikan natin sa unica hija ng mga Lazaro. Kaya umayos ka at ayokong mapahiya sa kanila. Ayusin mo ang sarili mo mukhang lango ka pa sa alak.” final na sagot ng daddy niya.

“What??? Ano bang trip niyo dad. Bakit kailangan kung magpakasal sa babaeng yon. Ayoko sa kanya at alam niyo naman about my ex–” hindi na niya natapos ang sasabihin ng masamang tingin ang pinukol ng kanyang daddy. Kaya nanahimik na lamang siya at hindi rin naman siya mananalo rito.

Napabuntong hininga na lamang siya na lulugo lugong pumanhik sa itaas para magbihis na rin. Bweset ba bweset siya pero, wala naman siyang magawa kundi sumang-ayon at maging sunod sunuran sa mga ito. Kaya isang ideya ang naisip niya. “Siguro naman papayag ang tabachoy na iyon sa plano niya.” usal niya. He called her tabachoy kasi sariwa pa rin sa kanyang alaala ang katawan nito ng mga pitong taong gulang pa lamang sila. Bully ang babae kaya hindi niya talaga ito makalimutan sa paglipas ng panahon.

At LAZARO Mansion

Nakarating ang sasakyan ng mga Montecillo. Agad silang inasikaso ng mga katulong ng mga Lazaro. Habang si Calix naman ay palinga linga at hindi alam ang gagawin. Hinahanap niya si Clarissa pero, hindi naman niya ito makita. Gusto kasi niya itong makausap. Alam niya labag rin naman sa loob nito ang pagpapasakal ay este pagpapakasal.

Nang bumaba si Clarissa at nagtama ang mga mata nila para siyang nakakita ng anghel na bumaba sa langit. Napatulala siya saglit. Natigilan lang siya sa tikhim ng kanyang daddy. “Ehem.. Maganda di ba?” biro ng kanyang daddy.

“Huh? Saan banda ang maganda?” patay malisyang wika niya.

Nang nakaupo na ang lahat at nag-uusap usap pasimple siyang sumenyas kay Clarissa, kaso tinaasan lang siya ng kilay nito. Nang mapansin siya ng kanyang Mommy at nagbiro.

“Mukhang gusto niyong masolo ang isa’t-isa.. Sige, mag-usap muna kayong dalawa at dito lang kami at may iba kaming pag-uusapan nila balae.” masayang wika ng Mommy Carmela ni Calix. As if naman na masaya siya sa nangyayari at mukhang sila nga lang ang masaya.

Tumayo na siya at naglakad narinig naman niya ang mga yabag ng mga hakbang ni Clarissa. Pinili niya sa garden ito kausapin.

“Hmmmm! Gusto mo ba ang nangyayari?” prangkang tanong ni Clarissa sa kanya.

“Malamang hindi. Sino bang gusto makasal sayo.” mayabang na wika ni Calix.

“Conceited. Anyway, hindi rin naman kita gusto. So, it’s a tie. Pumayag akong kausapin kita kasi may ipoprosed ako sayo. Win win situation.” panimula ni Clarissa.

“Ok. I have too.” sagot ni Calix.

Nag-usap ang dalawa hanggang sa napagkasunduan nila na after ng two years maghihiwalay sila agad-agad. Bawal silang magtalik dahil hindi naman kailangan. May mahal ng iba si Clarissa kaso ayaw naman ng kanyang mga magulang rito.

“Deal-” wika ni Calix.

“Deal.” sagot naman ni Clarissa.

Masaya silang pumasok sa loob ng Mansyon. At simula na ngayon ang kanilang pagpapanggap. Natuwa naman ang kani kanilang mga magulang sa pag aakalang magkasundo na ang dalawa. Wala silang kamalay malay sa napagkasunduan ng dalawa.

Uupo sana si Calix at Clarissa ng marinig nila na nagpapaalamanan na ang kani kanilang mga magulang na kita ang saya sa mga mukha nito habang silang dalawa naman ay malayo sa kasiyahan ng mga ito.

Nagpaalam na rin ang pamilya ni Calix at hinatid naman ni Clarissa ang mga ito sa may pintuan. Hindi sa tanggap na niya sadyang hindi lang siya bastos na tao.

Pagkatapos niyang maihatid ang mga ito.

Pumasok na siya sa loob at ng makita siya ng kanyang Mommy. Nilapitan siya nito at pinagsalitaan. “Mabuti naman na hindi mo kami binigo. Alalahanin mo, tanging ang Montecillo lamang ang tanging makakatulong sa atin at wala ng iba pa. At kung kinakailangan ay mabigyan mo sila agad ng apo gagawin mo 'yon.” mariing wika ng kanyang Mommy. Na ikinalungkot niya dahil pakiramdam niya ayon lang ang halaga niya sa pamilya nila ang maging taga salo at taga salba ng kumpanya na hindi naman siya kasalanan kung bakit ito nalugi.

“A-Apo? Nagpapatawa ka ba talaga Mommy?? Lahat na lang ba ng desisyon ko sa buhay dapat ba kayo ni dad ang palaging masusunod?” himutok ni Clarissa, sapagkat hindi na rin kasi siya nakapag pigil pa at masyado nang pinang hihimasukan ng kanyang Mommy ang sarili niyang pasya. Labag na nga sa kanya ang pagpapakasal pati ba naman ang magka anak na wala naman sa plano nila ni Calix.

“Aba’y oo mga magulang mo kami. At alam namin kung ano ang makakabuti sayo.” sagot ng Mommy niya.

“Hahaha. Talaga ba Mommy, makakabuti sa akin o makakabuti sainyo at sa kumpanya??” natatawang pagak ni Clarissa. At sinundan pa niya ng sunod na salita kaya uminit pa lalo ang ulo ng kanyang Mommy. “Kaya ba pinalayas mo si Daryl kasi ayaw mo sa kanya..” Kasi mahirap lang siya at mayaman tayo? Ganon ba?"

“Hwag na hwag mong mababanggit sa akin ang pangalan ng traydor na iyon. Sabi ko naman sayo pinag nakawan niya ang kumpanya natin. Hwag na hwag mo ng mababanggit sa akin ang pangalan ng lalaki na iyon kung ayaw mong samain ka sa akin.” banta ng kanyang Mommy. Kaso sadyang matigas ang kanyang ulo. Lalo pa siyang sumagot sagot rito.

“Pinagnakawan ba talaga o kayo lang ang gumawa ng dahilan para paghiwalayin kaming dalawa. Ang sama ng ugali niyo Mommy. Mabuting tao si Daryl at alam niyong mahal na mahal ko siya. Sinira niyo ang buhay ko.” sumbat niya rito. “At sana hindi na lang kayo ang naging magulang ko, dahil wala kayong kwentang mga magulang–”

“Anong sinabi mo-” Pakk!!

Isang nakakabinging sampal ang ginawad ng kanyang Mommy. Halos tumabingi ang pisngi ni Clarissa. “I hate you, Mom.” naluluhang wika niya sabay takbo palayo rito. Hindi niya matanggap na sa unang beses napagbuhatan siya ng kamay ng kanyang Mommy.

Nang makaalis sa Mommy niya mabilis siyang pumanhik sa itaas at pumasok sa loob ng kanyang silid. Nagkulong siya sa kwarto niya at umiyak ng umiyak. Hindi niya matanggap na lumayo si Daryl at hindi man lang nagpaalam sa kanya. Malakas ang kutob niya na may kagagawan ang kanyang Mommy sa pagkawala nito. Hanggang sa nakatulog na lamang siya sa pag-iyak. Wala naman siyang magagawa kundi umiyak lang ng umiyak. Kahit naman makipag matigasan siya sa kanyang Mommy wala naman pakialam ito sa kanyang nararamdaman.