Kabanata 2

Lazaro Mansion

Kanina pa nakabusangot at salubong ang dalawang kilay ni Clarissa. Paano naman kasi sinama siya ng kanyang Mommy para imeet raw ang lalaking ipapakasal sa kanya at hindi siya pwedeng tumanggi dahil napagkasunduan na ito ng mga magulang nila. Ang kinakainis lang kasi niya ay ipapakasal lang siya sa isang playboy pa. At ang batang naka away niya sa kasal noong bata pa lamang siya. Kilala niyang palikero si Calix Montecillo at di lang iyon napaka bilib pa sa sarili at perfectionist. Hindi na nga mabilang yata sa mga daliri nito ang mga babaeng na link rito. At bakit niya alam malamang laman palagi ng social media.

“Mom, pwede bang iba na lang. Ayoko sa babaero na Montecillo na iyon.” ani ni Clarissa.

“Hmmmp! Tumigil ka Clarissa sa ayaw at gusto mo ikakasal kayo. Kaya hwag mo kung simangutan r’yan kundi tatamaan ka sa akin. Pumasok ka na sa kwarto mo at hwag na hwag mong babalakin ba mag night out na naman. Hindi ka na pwedeng mag bar. Naiintindihan mo ba?” bilin ng kanyang ina ngunit hindi na niya ito narinig dahil tumayo na siya at pinasakan ng earphones ang magkabilaan niyang tainga para hindi marinig ang sermon ng kanyang ina.

Pumasok siya sa kwarto at nakinig ng music. Hindi niya matanggap na ipapakasal siya ng kanyang ina sa lalaking iyon.

Gabi na ng lumabas siya ng kwarto at nakita siya ng kanyang ina. “Clariss, bumaba ka nga dito at may sasabihin ako sayo.” ani ng kanyang Mommy. Kahit labas sa kalooban niya bumaba siya at sumunod sa utos nito. Naupo siya pagkarating niya ng sala.

“Mamaya may ipapa date ako sayo at hwag kang tatanggi. Ipapahatid kita sa driver, hwag mo ring subukang tumakas at malilintikan ka sa akin.” banta ng kanyang Mommy. Knowing her Mom kapag sinabi nito malamang gagawin nito.

“Ok.” ayon na lamang ang nasagot niya rito. Wala naman rin siyang magagawa pa. Sino na naman kaya ang iba blind date nito sa kanya naiirita na talaga siya..

Pagsapit ng gabi handa na ang kanyang susuotin kaya nag bihis na rin siya at nag ayos ng light make-up. Ayaw niyang magpaimpress kung sino mang lalaki ang ipapadate nito sa kanya.

Naka alis na siya ng Mansion at lulan na siya ng sasakyan. Hindi niya alam kung saan sila pupunta ngunit hindi na lang siya nagtanong pa. Nang makarating sila sa restaurant bumaba na siya ng sasakyan at sinabihan na lang niya ang driver na sunduin siya mamaya. Pumayag naman ito at naglakad na siya papasok ng restaurant. Napaka cool at napaka romantic ng lugar mangilan ngilan lang rin ang mga taong naroon. Nilapitan siya ng staff at kinausap naman niya ito itinuro rin nito ang table kung saan siya uupo. Nang makarating siya roon naupo na siya at medyo badtrip siya dahil wala pa rito ang imi meet niya. Nag order na lang muna siya ng maiinom habang naghihintay at nilabas niya na muna ang mobile phone at nag scroll sa social media account niya..

Habang si Calix naman ay paalis na rin ng Casa Riva kung saan siya nang galing basta kanina lang tinawagan siya ng kanyang daddy na may imimeet siya pero, hindi naman nito sinabi kung sino kaya inakala niyang investors na naman kaya pumayag na rin siya.

Pagdating niya sa lugar medyo nagtaka siya kung bakit napaka romantic naman ng meeting place, ngunit hindi na lang rin niya ito pinansin pa. Inisip niya na baka mahilig lang sa ganitong lugar ang ka meet-up niya.

Nang pumasok na siya sa loob may lumapit sa kanyang staff at nagtanong hanggang sa dinala siya nito sa table kung saan may babaeng nakaupo. Inisip niya siguro ito na ang ka meet-up niya.

“Hi! Mrs–” natigilan siya ng lumingon sa kanya ang babae.

Napataas naman ang kilay ni Clarissa ng marinig ang tawag nito sa kanya. “Mrs. What the hell–”

“Ikaw?” gulat na gulat na wika ni Calix. Hindi niya ini expect na ito ang makikita at makaka meet-up. Naiinis tuloy siya sa daddy niya ngayon.

“Kung ikaw lang ang makaka blind date ko, well mas mabuting umalis na lang ako.” wika ni Clarissa na tatayo na sana.

Habang si Calix naman ay biglang nalito sa sinabi ni Clarissa. “Blind date???” Hindi niya alam na blind date ito. Ang alam niya meet up para sa isang investors. Naloko na talaga. “Ay! Sino bang nagsabi na gusto kitang maka blind date. Hahaha. In your dreams tabachoy.” pabirong dagdag pa ni Calix.

“What did you say— bogsss.

Natahimik si Calix ng bigla siyang sapakin ni Clarissa sabay walk-out. Hindi siya agad naka react sa pagkagulat. First time na may sumapak sa kanya at babae pa. Natatawa na lang talaga siya sa pagiging amazona ng babae. Pagka alis nito ay umalis na rin siya at nagdrive palayo ng restaurant.

Hindi muna siya bumalik ng Mansyon at as usual sa dating gawi ang punta niya. Kanina pa nga siya hinihintay ng kanyang mga barkda. Mababait naman kasi ang mga ito at ang ilan dito ay may asawa na rin. Siya naman sa edad na bente otso wala pa talaga sa plano niya ang pag-aasawa. He wants fun and enjoy lang habang hindi pa siya nagsasawa sa buhay binata.

“Wow! Isasakal ka na pala bro. Congrats.” pang-aasar niya kay Matty.

“Baliw! Pag ikaw kinasal tatawanan rin kita.” balik na wika nito.

“Hahaha! Putcha! Gago! Ako ikakasal, malabo iyon bro. Lasing ka na ata at kung ano ano na ang pinagsasabi mo.” natatawang wika ni Calix.

“Tawa pa more, darating rin ang araw na magseseryoso ka sa buhay. Kita mo sina Vien at Yuro kasal na at may mga anak na. Ikaw anong plano mo sa buhay tumikim ng iba’t-ibang putahe. Siraulo ka talaga.” kantyaw ni Matty.

“Hahaha! Hindi para sa akin ang pag-aasawa bro. Kayo kayo na lang ang ikasal.” final na wika ni Calix.

Tinawanan lang siya ng tatlo at nilagok na ang huling shot glass. Nagsipulasan na rin ang mga ito habang siya naman ay naiwan muna at uminom pa ng uminom.

Pagka alis niya ng bar mabuti at nakapag drive pa siya. Hating gabi na siya nakabalik ng Mansion at plakda ng makahiga sa kanyang kama.